(॥పల్లవి॥)
ఇంతట నిట్టె విచ్చేసి యింతిఁ గూడితేఁ గనక
వంతుకు నిన్ను జాణదేవర వనవచ్చును
(॥ఇంత॥)
తనలోనె తలపోసి తప్పక చూచేవేళ
వనితను దేవగన్య యనవచ్చును
పనివి నిన్నుఁ దలఁచి పాటలు వాడేవేళ
అనుగు గంధర్వకాంత యనవచ్చును
(॥ఇంత॥)
చలపట్టి విరహాన జలకేళి సేయువేళ
అలివేణి నాగకన్య యనవచ్చును
చలువకుఁ జంద్రకాంత శిలపైఁ బొరలువేళ
అలరిన చంద్రకన్య యనవచ్చును
(॥ఇంత॥)
శ్రీ వెంకటేశ నీవు చెలియఁ గూడినవేళ
ఆవటించి నిజలక్ష్మీ యనవచ్చును
వోవల నీ సోమ్ములలో వురమున మోచువేళ
దేవి యలమేలుమంగ దిష్ట మనవచ్చును
(||pallavi||)
iṁtaḍa niṭṭĕ vichchesi yiṁtim̐ gūḍidem̐ ganaga
vaṁtugu ninnu jāṇadevara vanavachchunu
(||iṁta||)
tanalonĕ talabosi tappaga sūseveḽa
vanidanu devaganya yanavachchunu
panivi ninnum̐ dalam̐si pāḍalu vāḍeveḽa
anugu gaṁdharvagāṁta yanavachchunu
(||iṁta||)
salabaṭṭi virahāna jalageḽi seyuveḽa
aliveṇi nāgaganya yanavachchunu
saluvagum̐ jaṁdragāṁta śhilabaim̐ bŏraluveḽa
alarina saṁdraganya yanavachchunu
(||iṁta||)
śhrī vĕṁkaḍeśha nīvu sĕliyam̐ gūḍinaveḽa
āvaḍiṁchi nijalakṣhmī yanavachchunu
vovala nī sommulalo vuramuna mosuveḽa
devi yalamelumaṁga diṣhṭa manavachchunu