ఇంత యేఁతురా సతులనెందాఁకాను
(॥పల్లవి॥)
ఇంత యేఁతురా సతులనెందాఁకాను
యెంతవడి కెంతవడి యిప్పుడా నీ వలపు
(॥ఇంత॥)
మాటలకు తుదలేదు మనసుకు గురిలేదు
యేఁటికి మమ్ము బోదించేవెందాఁకాను
కాటుకకన్నుల నీరుగ్రమ్మ నెదురుచూచితి
యీటులేక బుజ్జగించేవిపుడా నీవలపు
(॥ఇంత॥)
నవ్వులకు గుట్టులేదు నంటునకు వెలలేదు
యివ్వలనేఁటికి యానలెందాఁకాను
చివ్వున నిట్టూర్పురేఁగ చెక్కునఁ జేయి వెట్టితి
వె(నె?)వ్వరి సాకిరివేట్టేవిప్పుడా నీవలపు
(॥ఇంత॥)
ఆసలకు తనివి లేదాయాలకు సిగ్గులేదు
యేసేవు చూపుల యమ్ములెందాఁకాను
నేసవెట్టి కూడితివి శ్రీవేంకటేశ్వర నేఁడు
యీసుదీరఁ గరుణించేవిప్పుడా నీవలపు
(||pallavi||)
iṁta yem̐turā sadulanĕṁdām̐kānu
yĕṁtavaḍi kĕṁtavaḍi yippuḍā nī valabu
(||iṁta||)
māḍalagu tudaledu manasugu guriledu
yem̐ṭigi mammu bodiṁchevĕṁdām̐kānu
kāḍugagannula nīrugramma nĕdurusūsidi
yīḍulega bujjagiṁchevibuḍā nīvalabu
(||iṁta||)
navvulagu guṭṭuledu naṁṭunagu vĕlaledu
yivvalanem̐ṭigi yānalĕṁdām̐kānu
sivvuna niṭṭūrburem̐ga sĕkkunam̐ jeyi vĕṭṭidi
vĕ(nĕ?)vvari sāgiriveṭṭevippuḍā nīvalabu
(||iṁta||)
āsalagu tanivi ledāyālagu sigguledu
yesevu sūbula yammulĕṁdām̐kānu
nesavĕṭṭi kūḍidivi śhrīveṁkaḍeśhvara nem̐ḍu
yīsudīram̐ garuṇiṁchevippuḍā nīvalabu