(॥పల్లవి॥)
ఇంత యేల బిగువు యిది లెస్స తగవు
సంతకూటపు మాటలు చాలునయ్య నీవు
(॥ఇంత॥)
పట్టినదే పంతమా పడతిఁ బిలువరాదా
చుట్టుమవో నీవు లేక సూడుబంటవో
యెట్టుయెదురనున్నారు యెడమాటలాడలేము
రట్టుపొలకమ్మకెక్కె యిట్టెరావయ్యా నీవు
(॥ఇంత॥)
చెల్లినంతాఁ జేఁతా చెలియఁ జేకొనరాదా
యెల్లగా నవ్వులకో యిదే నిజమో
తెల్లవారె సిగులనే తెగి మిమ్ము దూరలేము
అల్లమే సొంటిగాదా అవునయ్య నీవు
(॥ఇంత॥)
ఆడినదే యాటా ఆకెఁజక్కఁజూడరాదా
వీడుదోడువయసులు వేడుకో వెట్టో
ఈడనే శ్రీ వేంకటేశ యింతిఁ గూడితివి నీవు
వోడలు బండ్లవచ్చు వుండవయ్య నీవు
(||pallavi||)
iṁta yela biguvu yidi lĕssa tagavu
saṁtagūḍabu māḍalu sālunayya nīvu
(||iṁta||)
paṭṭinade paṁtamā paḍadim̐ biluvarādā
suṭṭumavo nīvu lega sūḍubaṁṭavo
yĕṭṭuyĕduranunnāru yĕḍamāḍalāḍalemu
raṭṭubŏlagammagĕkkĕ yiṭṭĕrāvayyā nīvu
(||iṁta||)
sĕllinaṁtām̐ jem̐tā sĕliyam̐ jegŏnarādā
yĕllagā navvulago yide nijamo
tĕllavārĕ sigulane tĕgi mimmu dūralemu
allame sŏṁṭigādā avunayya nīvu
(||iṁta||)
āḍinade yāḍā āgĕm̐jakkam̐jūḍarādā
vīḍudoḍuvayasulu veḍugo vĕṭṭo
īḍane śhrī veṁkaḍeśha yiṁtim̐ gūḍidivi nīvu
voḍalu baṁḍlavachchu vuṁḍavayya nīvu