ఇంత సేసినవాఁడవు యిది నేరవా
(॥పల్లవి॥)
ఇంత సేసినవాఁడవు యిది నేరవా
కాంత వున్నభావము కందువు రావయ్యా
(॥ఇంత॥)
చెక్కుల లేఁతచిగురు చేతిలోఁ దామరపవ్వు
వొక్కపరేఁ రెండనబ్బెనువిదకును
యెక్కడయేసునో మరుఁడు యెవ్వరి మర్మమంటునో
చొక్కముగ నీతిఁ జూతువు రావయ్యా
(॥ఇంత॥)
ఱెప్పల ముత్యాలవాన ఱేసులనే మీలయీఁత
అప్పుడే రెండూఁ గలిగెనంగనకును
తప్పులెవ్వరివల్లనో దైవికమెట్టున్నదో
చొప్పులీ వనితవల్లఁ జూతువు రావయ్యా
(॥ఇంత॥)
చిత్తములో నీరూపు చింతలు నీమీఁదను
హత్తెను రెండూ నిట్టే అతివకును
కొత్తగా శ్రీవెంకటేశ కూడితివింతక ముందు
జొత్తుల చెమటచెలిఁ జూతువు రావయ్యా
(||pallavi||)
iṁta sesinavām̐ḍavu yidi neravā
kāṁta vunnabhāvamu kaṁduvu rāvayyā
(||iṁta||)
sĕkkula lem̐tasiguru sedilom̐ dāmarabavvu
vŏkkabarem̐ rĕṁḍanabbĕnuvidagunu
yĕkkaḍayesuno marum̐ḍu yĕvvari marmamaṁṭuno
sŏkkamuga nīdim̐ jūduvu rāvayyā
(||iṁta||)
ṟĕppala mutyālavāna ṟesulane mīlayīm̐ta
appuḍe rĕṁḍūm̐ galigĕnaṁganagunu
tappulĕvvarivallano daivigamĕṭṭunnado
sŏppulī vanidavallam̐ jūduvu rāvayyā
(||iṁta||)
sittamulo nīrūbu siṁtalu nīmīm̐danu
hattĕnu rĕṁḍū niṭṭe adivagunu
kŏttagā śhrīvĕṁkaḍeśha kūḍidiviṁtaga muṁdu
jŏttula sĕmaḍasĕlim̐ jūduvu rāvayyā