ఇంత సేసినట్టి పతి నే మందమే
(॥పల్లవి॥)
ఇంత సేసినట్టి పతి నే మందమే
మంతుకు నెక్కించినట్టి మనసు నే మందమే
(॥ఇంత॥)
చెక్కునఁ బెట్టెను చేయి చిత్తములోపలి నూయి
యిక్కడ నీసతి భావ మేమందమే
ముక్కునఁ గీలించె వేలు మొనగోర నదె వ్రాలు
మక్కువ యింతసేసిన మరుని నే మందమే
(॥ఇంత॥)
కన్నుల నించెను నీరు కలిగెఁ బయ్యద జారు
యెన్నఁగ నీ యింతి మోహమే మందమే
పన్నుకొనె నిట్టూర్పు పారదోసె తన నేర్పు
యిన్నిటాను నోముఫల మిఁక నే మందమే
(॥ఇంత॥)
చెలిపై వేసెను మేను సిగ్గుల మునిఁగెఁ దాను
యెలమి నీ చెలి మర పే మందమే
అలరి శ్రీవెంకటేశుఁ డంతలో విచ్చేసి కూడె
తలఁపు ప్రేరేచినట్టి దైవము నే మందమే
(||pallavi||)
iṁta sesinaṭṭi padi ne maṁdame
maṁtugu nĕkkiṁchinaṭṭi manasu ne maṁdame
(||iṁta||)
sĕkkunam̐ bĕṭṭĕnu seyi sittamulobali nūyi
yikkaḍa nīsadi bhāva memaṁdame
mukkunam̐ gīliṁchĕ velu mŏnagora nadĕ vrālu
makkuva yiṁtasesina maruni ne maṁdame
(||iṁta||)
kannula niṁchĕnu nīru kaligĕm̐ bayyada jāru
yĕnnam̐ga nī yiṁti mohame maṁdame
pannugŏnĕ niṭṭūrbu pāradosĕ tana nerbu
yinniḍānu nomuphala mim̐ka ne maṁdame
(||iṁta||)
sĕlibai vesĕnu menu siggula munim̐gĕm̐ dānu
yĕlami nī sĕli mara pe maṁdame
alari śhrīvĕṁkaḍeśhum̐ ḍaṁtalo vichchesi kūḍĕ
talam̐pu preresinaṭṭi daivamu ne maṁdame