(॥పల్లవి॥)
ఇంత చాలదా మాకు నిది నేఁడు
కంతుని వోజల పెండ్లి గలిగెఁగా నేఁడు
(॥ఇంత॥)
కాంతకును నీకును కనురెప్పలె తెర
దంతపు నవ్వులె మీకు తలఁబాలు
రంతుల వూరుపలె రవళి సోబనాలు
చెంతల మీ కీ పెండ్లి చెల్లెఁగా నేఁడు
(॥ఇంత॥)
ముదితకు నీకును మోవులె బువ్వములు
కదియు సిగ్గులె మంచి కమ్మగందాలు
సదరపు సరసాలె చల్లు వెదవీడేలు
యెదుదెదురనె పెండ్లి యెసగెఁగా నేఁడు
(॥ఇంత॥)
వుంచపు గోరితాఁకులె వుంకువ సొమ్ములు
ముంచిన పలు సోఁకులె ముయికిముయి
యెంచఁగ శ్రీవెంకటేశ యిందిర నీ కూటములు
కంచపుఁ బెండ్లి మీకుఁ గలిగెఁగా నేఁడు
(||pallavi||)
iṁta sāladā māgu nidi nem̐ḍu
kaṁtuni vojala pĕṁḍli galigĕm̐gā nem̐ḍu
(||iṁta||)
kāṁtagunu nīgunu kanurĕppalĕ tĕra
daṁtabu navvulĕ mīgu talam̐bālu
raṁtula vūrubalĕ ravaḽi sobanālu
sĕṁtala mī kī pĕṁḍli sĕllĕm̐gā nem̐ḍu
(||iṁta||)
mudidagu nīgunu movulĕ buvvamulu
kadiyu siggulĕ maṁchi kammagaṁdālu
sadarabu sarasālĕ sallu vĕdavīḍelu
yĕdudĕduranĕ pĕṁḍli yĕsagĕm̐gā nem̐ḍu
(||iṁta||)
vuṁchabu goridām̐kulĕ vuṁkuva sŏmmulu
muṁchina palu som̐kulĕ muyigimuyi
yĕṁcham̐ga śhrīvĕṁkaḍeśha yiṁdira nī kūḍamulu
kaṁchabum̐ bĕṁḍli mīgum̐ galigĕm̐gā nem̐ḍu