ఇంత మోహించిన పతి విన్నియును నీకుఁ జవి
(॥పల్లవి॥)
ఇంత మోహించిన పతి విన్నియును నీకుఁ జవి
యెంతలేదు నేమెల్లా నిటువంటివారము
(॥ఇంత॥)
కోమలులు మీఁదమీఁద కోపగించినాఁ జవి
దీమసానఁ బెదవులఁ దిట్టినాఁ జవి
నేమమున మాటాడఁగా నేరకుండినాఁ జవి
వోముచును ముద్దరాలైవుండినాఁ జవి
(॥ఇంత॥)
చనవుల బొమ్మలను జంకించినాఁ జవి
చెనకి గబ్బితనాలు చేసినాఁ జవి
వనజము వంటి మోము వంచుకొనినాఁ జవి
గునిసి కొప్పుభారాన కొంకినాఁ జవి
(॥ఇంత॥)
చెక్కు చేతి తోడుత సిగ్గువడినాఁ జవి
మొక్కలపు నవ్వులెల్లా ముంచినాఁ జవి
యెక్కువతో శ్రీ వేంకటేశ నన్నుఁ గూడితివి
వొక్క మనసున నిట్టే వుండుటే చవి
(||pallavi||)
iṁta mohiṁchina padi vinniyunu nīgum̐ javi
yĕṁtaledu nemĕllā niḍuvaṁṭivāramu
(||iṁta||)
komalulu mīm̐damīm̐da kobagiṁchinām̐ javi
dīmasānam̐ bĕdavulam̐ diṭṭinām̐ javi
nemamuna māḍāḍam̐gā neraguṁḍinām̐ javi
vomusunu muddarālaivuṁḍinām̐ javi
(||iṁta||)
sanavula bŏmmalanu jaṁkiṁchinām̐ javi
sĕnagi gabbidanālu sesinām̐ javi
vanajamu vaṁṭi momu vaṁchugŏninām̐ javi
gunisi kŏppubhārāna kŏṁkinām̐ javi
(||iṁta||)
sĕkku sedi toḍuda sigguvaḍinām̐ javi
mŏkkalabu navvulĕllā muṁchinām̐ javi
yĕkkuvado śhrī veṁkaḍeśha nannum̐ gūḍidivi
vŏkka manasuna niṭṭe vuṁḍuḍe savi