(॥పల్లవి॥)
ఇంత మమ్మిట్లా నెలయించకురా నీ-
పంతములన్నియుఁ బారఁ బట్టింతునోరి
(॥ఇంత॥)
అతిరాజసపు మాటలాడకురా యే-
కతమైన నాచేతఁ గడు నొత్తువోరి
ఇతరులవలె నన్ను నెంచకురా నీఁ
మతి చొచ్చి నీమేను మఱపింతునోరి
(॥ఇంత॥)
చెలఁగుచు గుంపెనలు సేయకురా నీ-
సిలుగు మాటల నిన్నుఁ జిక్కింతునోరి
చలివలపులు మాపైఁ జల్లకురా యీ-
కులుకు గోళ్ళ నిన్ను గుంపింతు -నోరి
(॥ఇంత॥)
జంకెనచూపులఁ బగ చాటకురా నే-
నింక నిన్నుఁ బోనియ్య నెంతైన నోరి
లంకెల నీ పొందులు దలఁచకురా తిరు-
వెంకటేశ నానేరుపు వెచ్చింతునోరి
(||pallavi||)
iṁta mammiṭlā nĕlayiṁchagurā nī-
paṁtamulanniyum̐ bāram̐ baṭṭiṁtunori
(||iṁta||)
adirājasabu māḍalāḍagurā ye-
kadamaina nāsedam̐ gaḍu nŏttuvori
idarulavalĕ nannu nĕṁchagurā nīm̐
madi sŏchchi nīmenu maṟabiṁtunori
(||iṁta||)
sĕlam̐gusu guṁpĕnalu seyagurā nī-
silugu māḍala ninnum̐ jikkiṁtunori
salivalabulu mābaim̐ jallagurā yī-
kulugu goḽḽa ninnu guṁpiṁtu -nori
(||iṁta||)
jaṁkĕnasūbulam̐ baga sāḍagurā ne-
niṁka ninnum̐ boniyya nĕṁtaina nori
laṁkĕla nī pŏṁdulu dalam̐sagurā tiru-
vĕṁkaḍeśha nānerubu vĕchchiṁtunori