(॥పల్లవి॥)
ఇంత మాయకాఁడవౌత యెఱఁగనైతి నేను
పొంతల నాచే గందము పూయించుకొంటివి
(॥ఇంత॥)
సారెకు నావలపు రచ్చలఁ బట్టేనని కా
పోరుచు నాచీర కాసె పోయుమంటిమి
వారి వీరిచేత నన్ను దూరించేనని కా
కేరుచు నాకొనగోర గీరించుకొంటిని
(॥ఇంత॥)
ఆడుకో నన్నునింత అలయించేనని కా
వేడుకతోఁ గమలాన వేయుమంటివి
జాడతోనింతేసి దోసాలు గట్టేనని కా
వీడక తొడపైఁ దొడ వేయించుకొంటివి
(॥ఇంత॥)
పందెమాడి నన్నునింత పచ్చి చేసేనని కా
చెంది నీమోవి యెంగిలి సేయుమంటివి
అంది శ్రీ వేంకటేశ నన్నంటి పాయనని కా
ముందరనే నన్నుఁగూడి మొక్కింపించుకొంటివి
(||pallavi||)
iṁta māyagām̐ḍavauda yĕṟam̐ganaidi nenu
pŏṁtala nāse gaṁdamu pūyiṁchugŏṁṭivi
(||iṁta||)
sārĕgu nāvalabu rachchalam̐ baṭṭenani kā
porusu nāsīra kāsĕ poyumaṁṭimi
vāri vīriseda nannu dūriṁchenani kā
kerusu nāgŏnagora gīriṁchugŏṁṭini
(||iṁta||)
āḍugo nannuniṁta alayiṁchenani kā
veḍugadom̐ gamalāna veyumaṁṭivi
jāḍadoniṁtesi dosālu gaṭṭenani kā
vīḍaga tŏḍabaim̐ dŏḍa veyiṁchugŏṁṭivi
(||iṁta||)
paṁdĕmāḍi nannuniṁta pachchi sesenani kā
sĕṁdi nīmovi yĕṁgili seyumaṁṭivi
aṁdi śhrī veṁkaḍeśha nannaṁṭi pāyanani kā
muṁdarane nannum̐gūḍi mŏkkiṁpiṁchugŏṁṭivi