(॥పల్లవి॥)
ఇంత లేకుంటే నది యెక్కడి సుజ్ఞానము
దొంతుల తన జన్మము తొల్లిటిదే కాదా
(॥ఇంత॥)
యెదిటి వారెరిఁగితే యేమీ ననక మరి
చెదరకుండుటే పో శ్రీవైష్ణవం
కదిసినకాంతలను కనకము వొడగంటే
పదరకుండుటే పో పరమసాత్వికము
(॥ఇంత॥)
క్రియయెరఁగనివారు కీడు సేసితేఁ దాను
దయఁ జూచుటే హరిదాస్యఫలము
రయమునఁ దామసము రాజసము గలిగితే
భయపడి తొలఁగుటే ప్రసన్నగుణము
(॥ఇంత॥)
వొరసి యెవ్వఁడు దను నుబ్బించి పొగడిన
నిరతితొ వీఁగనిదే నిచ్చలబుద్ది
యిరవై శ్రీవేంకటేశ్వరుదాసులఁ గని
శరణని మొక్కుటే సర్వజ్ఞగుణము
(||pallavi||)
iṁta leguṁṭe nadi yĕkkaḍi sujñānamu
dŏṁtula tana janmamu tŏlliḍide kādā
(||iṁta||)
yĕdiḍi vārĕrim̐gide yemī nanaga mari
sĕdaraguṁḍuḍe po śhrīvaiṣhṇavaṁ
kadisinagāṁtalanu kanagamu vŏḍagaṁṭe
padaraguṁḍuḍe po paramasātvigamu
(||iṁta||)
kriyayĕram̐ganivāru kīḍu sesidem̐ dānu
dayam̐ jūsuḍe haridāsyaphalamu
rayamunam̐ dāmasamu rājasamu galigide
bhayabaḍi tŏlam̐guḍe prasannaguṇamu
(||iṁta||)
vŏrasi yĕvvam̐ḍu danu nubbiṁchi pŏgaḍina
niradidŏ vīm̐ganide nichchalabuddi
yiravai śhrīveṁkaḍeśhvarudāsulam̐ gani
śharaṇani mŏkkuḍe sarvajñaguṇamu