ఇంత బాఁతిపడేవాని నేల మాకుఁ దక్కరించ
(॥పల్లవి॥)
ఇంత బాఁతిపడేవాని నేల మాకుఁ దక్కరించ
చెంతనిదే వెన్నచిట్టిఁ జిట్టెఁడేసి వలపు
(॥ఇంత॥)
చేలకొంగువట్టితి సిగ్గువడఁగా మానము
వాలుకరెప్పలు వంచి వంచి చూచేవు
ఆలదొడ్డివారము నేమంతేసి యెఱఁగము
పాలదుత్త దుత్తెఁడేసి పట్టవయ్య వలపు
(॥ఇంత॥)
పెల్లుగ జేతులువాపి పెనఁగగానె గుబ్బలు
కొల్లలుగాఁ జేతఁబట్టి గోర గీరేవు
గొల్లెతలమెఱఁగము గొప్పజాణతనములు
చల్లదుబ్బ దుబ్బెఁడేసి చల్లేము వలపు
(॥ఇంత॥)
కాయపుమదము గారఁగానె శ్రీ వేంకటేశ
సోయఁగానఁ గూడి మరి సోదించేవు
నేయమ్మేవారము నవ్వనేరము పోసేమిదె
చేయిచాఁచు పెరుగుచిప్పఁ జప్పెఁడేసి వలపు
(||pallavi||)
iṁta bām̐tibaḍevāni nela māgum̐ dakkariṁcha
sĕṁtanide vĕnnasiṭṭim̐ jiṭṭĕm̐ḍesi valabu
(||iṁta||)
selagŏṁguvaṭṭidi sigguvaḍam̐gā mānamu
vālugarĕppalu vaṁchi vaṁchi sūsevu
āladŏḍḍivāramu nemaṁtesi yĕṟam̐gamu
pāladutta duttĕm̐ḍesi paṭṭavayya valabu
(||iṁta||)
pĕlluga jeduluvābi pĕnam̐gagānĕ gubbalu
kŏllalugām̐ jedam̐baṭṭi gora gīrevu
gŏllĕdalamĕṟam̐gamu gŏppajāṇadanamulu
salladubba dubbĕm̐ḍesi sallemu valabu
(||iṁta||)
kāyabumadamu gāram̐gānĕ śhrī veṁkaḍeśha
soyam̐gānam̐ gūḍi mari sodiṁchevu
neyammevāramu navvaneramu posemidĕ
seyisām̐su pĕrugusippam̐ jappĕm̐ḍesi valabu