(॥పల్లవి॥)
ఇంకేల మొరఁగేవే యింతి మాతో నేఁడు
లంకె సింగారముల లలి మీరుఁ గాక
(॥ఇంకే॥)
చిగురుఁ గెమ్మోవిపై చిలుక వోట్లమరునా
మిగులఁగ కోవిలల మేఁత గాక
జిగిఁ జెక్కుటద్దముల చెమటచిత్తడేలే
పొగరుమెఱుఁగుల కళల పొడి రాలుఁగాక
(॥ఇంకే॥)
జక్కవకుచంబులకు చంద్రోదయములేలే
నిక్కి రత్నపుటెండ నిగుడుఁ గాక
పక్కన నడుమును బయలువాఁకనేలే ఆరు
అక్కడ నిట్టూర్పుగాలి అలరుఁ గాక
(॥ఇంకే॥)
పొంచి తనువల్లిపై పులకమొలకలు(ల?) దేలె
పంచాస్త్రువిదులందు పరుగుఁ గాక
యెంచగల శ్రీవేంకటేశుఁడిదివో కూడె
ముంచుకొని తలఁబాలు మురుకొనుఁ గాక
(||pallavi||)
iṁkela mŏram̐geve yiṁti mādo nem̐ḍu
laṁkĕ siṁgāramula lali mīrum̐ gāga
(||iṁke||)
sigurum̐ gĕmmovibai siluga voṭlamarunā
migulam̐ga kovilala mem̐ta gāga
jigim̐ jĕkkuḍaddamula sĕmaḍasittaḍele
pŏgarumĕṟum̐gula kaḽala pŏḍi rālum̐gāga
(||iṁke||)
jakkavagusaṁbulagu saṁdrodayamulele
nikki ratnabuḍĕṁḍa niguḍum̐ gāga
pakkana naḍumunu bayaluvām̐kanele āru
akkaḍa niṭṭūrbugāli alarum̐ gāga
(||iṁke||)
pŏṁchi tanuvallibai pulagamŏlagalu(la?) delĕ
paṁchāstruvidulaṁdu parugum̐ gāga
yĕṁchagala śhrīveṁkaḍeśhum̐ḍidivo kūḍĕ
muṁchugŏni talam̐bālu murugŏnum̐ gāga