ఇంకనెన్ని గాఁగలవో యింతి నీవల్లఁ బనులు
(॥పల్లవి॥)
ఇంకనెన్ని గాఁగలవో యింతి నీవల్లఁ బనులు
సుంకులు మోచినవెల్లాఁ జూచేము నేము
(॥ఇంక॥)
చెలియరో నీవలపు చెక్కులపై రతికెక్కె
పలుకుఁదేనెలఁ గొంత పాలుగారీని
కులుకుఁ గుచములను కొనలు వెళ్ళఁగఁజొచ్చె
పలుదెరఁగులనింత బయలాయ సిగ్గులు
(॥ఇంక॥)
కామినిరో నీ యాసలు కన్నుల రెప్పలు నిండె
దామెనమోవులఁ బంచదార చిందీని
వేమరుఁ దురుము జారి విరులు రాలఁగఁజొచ్చె
ఆమని ఆసలతోనే అగడాయఁ బొందులు
(॥ఇంక॥)
అంగనరో నీకూటమి ఆయములన్నియు ముట్టె
రంగుగా మోవి కళల రసములూరె
అంగవించి శ్రీవేంకటాధిపుఁ గూడితివిట్టే
వెంగలితనాన వెల్లవిరులాయఁ జేఁతలు
(||pallavi||)
iṁkanĕnni gām̐galavo yiṁti nīvallam̐ banulu
suṁkulu mosinavĕllām̐ jūsemu nemu
(||iṁka||)
sĕliyaro nīvalabu sĕkkulabai radigĕkkĕ
palugum̐denĕlam̐ gŏṁta pālugārīni
kulugum̐ gusamulanu kŏnalu vĕḽḽam̐gam̐jŏchchĕ
paludĕram̐gulaniṁta bayalāya siggulu
(||iṁka||)
kāminiro nī yāsalu kannula rĕppalu niṁḍĕ
dāmĕnamovulam̐ baṁchadāra siṁdīni
vemarum̐ durumu jāri virulu rālam̐gam̐jŏchchĕ
āmani āsaladone agaḍāyam̐ bŏṁdulu
(||iṁka||)
aṁganaro nīgūḍami āyamulanniyu muṭṭĕ
raṁgugā movi kaḽala rasamulūrĕ
aṁgaviṁchi śhrīveṁkaḍādhibum̐ gūḍidiviṭṭe
vĕṁgalidanāna vĕllavirulāyam̐ jem̐talu