(॥పల్లవి॥)
ఇంకనేల వెరపు యెదుటనే వున్నారము
వంకలొత్తకిఁక మఱి వద్దు వద్దు ఇపుడు
(॥ఇంక॥)
వావులు నీకెంచనేల వాడల గొల్లెతలకు
దేవరవు గావా తెలిసినదే
యీవల మావంక నిట్టె యేమి చూచేవు తప్పక
మోవనాడితి మిధివో మొదలనే నేము
(॥ఇంక॥)
చందాలు చెప్పఁగనేల సతినెత్తుక వచ్చితి
విందుకు రాజవు గావా యెరిఁగినదే
దిందుపడి మమ్ము నేల తిట్టేవు పెదవులను
నిందవేసితి మిదివో నిన్ననే నేము
(॥ఇంక॥)
వెలినవ్వేల పదారువేలఁ బెండ్లాడితివి
బలిమికాఁడవు గావా భావించినదే
చెలఁగి పులివిందల శ్రీరంగదేవుఁడ వని
కలసితి మిదె శ్రీ వేంకటరాయ నేము
(||pallavi||)
iṁkanela vĕrabu yĕduḍane vunnāramu
vaṁkalŏttagim̐ka maṟi vaddu vaddu ibuḍu
(||iṁka||)
vāvulu nīgĕṁchanela vāḍala gŏllĕdalagu
devaravu gāvā tĕlisinade
yīvala māvaṁka niṭṭĕ yemi sūsevu tappaga
movanāḍidi midhivo mŏdalane nemu
(||iṁka||)
saṁdālu sĕppam̐ganela sadinĕttuga vachchidi
viṁdugu rājavu gāvā yĕrim̐ginade
diṁdubaḍi mammu nela tiṭṭevu pĕdavulanu
niṁdavesidi midivo ninnane nemu
(||iṁka||)
vĕlinavvela padāruvelam̐ bĕṁḍlāḍidivi
balimigām̐ḍavu gāvā bhāviṁchinade
sĕlam̐gi puliviṁdala śhrīraṁgadevum̐ḍa vani
kalasidi midĕ śhrī veṁkaḍarāya nemu