ఇంకనేల రావయ్య యిద్దరము నిద్దరమే
(॥పల్లవి॥)
ఇంకనేల రావయ్య యిద్దరము నిద్దరమే
సంకెదేఁరె బనులెల్ల సరికి బేసాయను
(॥ఇంక॥)
కన్నుల నే నవ్వితిని కాఁకలు పైఁ జల్లితిని
చన్నుల నొత్తితి నిన్ను సారె సారెకు
పన్ని నన్నుఁ దిట్టితివి పక్కన జంకించితివి
సన్నలఁ గొసరితివి సరికి బేసాయను
(॥ఇంక॥)
మారుమాట లాడితిని మనసెల్ల సోదించితి
మేరమీరఁ జెనకితి మీఁద మీఁదను
తేరకొనఁ జూచితివి తెక్కులఁ జేకొంటివి
సారెఁ గొంగుదీసితివి సరికి బేసాయను
(॥ఇంక॥)
లాగులెల్లఁ జూపితిని లంకెలతోఁ బెనఁగితి
చేగదేరఁ గూడితిని శ్రీవెంకటేశ
బాగుగా మన్నించితివి పంతమెల్లా నిచ్చితివి
సాగిన సబలలోన సరికి బేసాయను
(||pallavi||)
iṁkanela rāvayya yiddaramu niddarame
saṁkĕdem̐rĕ banulĕlla sarigi besāyanu
(||iṁka||)
kannula ne navvidini kām̐kalu paim̐ jallidini
sannula nŏttidi ninnu sārĕ sārĕgu
panni nannum̐ diṭṭidivi pakkana jaṁkiṁchidivi
sannalam̐ gŏsaridivi sarigi besāyanu
(||iṁka||)
mārumāḍa lāḍidini manasĕlla sodiṁchidi
meramīram̐ jĕnagidi mīm̐da mīm̐danu
teragŏnam̐ jūsidivi tĕkkulam̐ jegŏṁṭivi
sārĕm̐ gŏṁgudīsidivi sarigi besāyanu
(||iṁka||)
lāgulĕllam̐ jūbidini laṁkĕladom̐ bĕnam̐gidi
segaderam̐ gūḍidini śhrīvĕṁkaḍeśha
bāgugā manniṁchidivi paṁtamĕllā nichchidivi
sāgina sabalalona sarigi besāyanu