ఇంకనేల నాకు వెరపింతమాట గలిగియు
(॥పల్లవి॥)
ఇంకనేల నాకు వెరపింతమాట గలిగియు
సంకెలెల్లఁ బాసె నాస్వతంత్రము లొక్కటే
(॥ఇంక॥)
నేనెంత పాపబుద్ధినై నేరమెంత సేసినాను
కానీలే నన్నెలేవాఁడు కావఁగలఁడు
ఆనతిచ్చెఁ దొల్లె యాతఁ డదె చరమార్థమందు
మేనిదోసమెల్లఁ బాపి మేలొసఁగేననుచు
(॥ఇంక॥)
మట్టులేకతనినెంత మరచి నే వుండినాను
పుట్టించిన దేవుఁడే ప్రోవఁగలఁడు
గుట్టుచూపె తొల్లె తన గుణము పాండవులందు
గట్టిగాఁ దనవారైతే కాచుకుందుననుచు
(॥ఇంక॥)
తప్ప నే నడచినాను తగిలి శ్రీవేంకటేశుఁ-
డొప్పులు సేసి రక్షించ నొద్దఁగలఁడు
చెప్పనేల గోపికలు సేసిన దోసాలు దొల్లి
కప్పుక పుణ్యాలు సేసె ఘనుఁడఁ దాననుచు
(||pallavi||)
iṁkanela nāgu vĕrabiṁtamāḍa galigiyu
saṁkĕlĕllam̐ bāsĕ nāsvadaṁtramu lŏkkaḍe
(||iṁka||)
nenĕṁta pābabuddhinai neramĕṁta sesinānu
kānīle nannĕlevām̐ḍu kāvam̐galam̐ḍu
ānadichchĕm̐ dŏllĕ yādam̐ ḍadĕ saramārdhamaṁdu
menidosamĕllam̐ bābi melŏsam̐genanusu
(||iṁka||)
maṭṭulegadaninĕṁta marasi ne vuṁḍinānu
puṭṭiṁchina devum̐ḍe provam̐galam̐ḍu
guṭṭusūbĕ tŏllĕ tana guṇamu pāṁḍavulaṁdu
gaṭṭigām̐ danavāraide kāsuguṁdunanusu
(||iṁka||)
tappa ne naḍasinānu tagili śhrīveṁkaḍeśhum̐-
ḍŏppulu sesi rakṣhiṁcha nŏddam̐galam̐ḍu
sĕppanela gobigalu sesina dosālu dŏlli
kappuga puṇyālu sesĕ ghanum̐ḍam̐ dānanusu