ఇంకనేల గుట్లు యిన్నియు బయటఁబడె
(॥పల్లవి॥)
ఇంకనేల గుట్లు యిన్నియు బయటఁబడె
మంకులెల్లఁ దీరె నిఁక మానరాదు పొందులు
(॥ఇంక॥)
చేసినదెల్లా నీపైచెలి చేసినదిచేఁత
వాసినవి కొనగోరి వాఁతలు నివి
తాసువలె వలపులు తారుకాణలకువచ్చె
మూసి మంతనాలేఁటికి మోహరించె పొందులు
(॥ఇంక॥)
ఆడినట్టెల్లఁ జెల్లెనంగన మాటనీతో
వేడుక నీ సొమ్మాయ నీ వినోదముల
వీడుదోడై మీనవ్వులు వెన్నెల తేటలుగాసె
యీడనేల మీసిగ్గులు యితవాయ పొందులు
(॥ఇంక॥)
పట్టినదెల్లాఁ బంతము పడఁతి నీరతులలో
ముట్టినవి చన్నులు నీమొనచేతుల
యిట్టె శ్రీవేంకటేశ యిద్దరును గూడితిరి
ఱట్టుకెక్కె నిందరిలో నాఱడి మీపొందులు
(||pallavi||)
iṁkanela guṭlu yinniyu bayaḍam̐baḍĕ
maṁkulĕllam̐ dīrĕ nim̐ka mānarādu pŏṁdulu
(||iṁka||)
sesinadĕllā nībaisĕli sesinadisem̐ta
vāsinavi kŏnagori vām̐talu nivi
tāsuvalĕ valabulu tārugāṇalaguvachchĕ
mūsi maṁtanālem̐ṭigi mohariṁchĕ pŏṁdulu
(||iṁka||)
āḍinaṭṭĕllam̐ jĕllĕnaṁgana māḍanīdo
veḍuga nī sŏmmāya nī vinodamula
vīḍudoḍai mīnavvulu vĕnnĕla teḍalugāsĕ
yīḍanela mīsiggulu yidavāya pŏṁdulu
(||iṁka||)
paṭṭinadĕllām̐ baṁtamu paḍam̐ti nīradulalo
muṭṭinavi sannulu nīmŏnasedula
yiṭṭĕ śhrīveṁkaḍeśha yiddarunu gūḍidiri
ṟaṭṭugĕkkĕ niṁdarilo nāṟaḍi mībŏṁdulu