ఇంకనైనా రోయరాదా యీపాటివార మింతే
(॥పల్లవి॥)
ఇంకనైనా రోయరాదా యీపాటివార మింతే
మంకుఁదనమేల మామాట వినరాదా
(॥ఇంక॥)
తోలుబొంత గట్టుకొన్నదొర నింతే నన్ను నీవు
కూళసంసారమా యేల కొసరేవు
యీలకొన్న యొముకల ఇంటిలో కాఁపుర మింతే
యేల మాయ వెంటఁబెట్టే వేమి గద్దు నీకును
(॥ఇంక॥)
పంచభూతపు చుట్టాల బదుకులోవాఁడ నింతే
యెంచ కింద్రియయాచకు లేల వచ్చేరు
కంచపు గాలావటించే కలిమిలోవార మింతే
చంచలపుటాసలు చేయి చాఁచనేఁటికి
(॥ఇంక॥)
నెత్తురుజలదుర్గాన నిలిచినవాఁడ నింతే
జొత్తుఁబాపములు యేల చోటడిగేరు
హత్తిన శ్రీవేంకటేశుఁడాత్మలోన నున్నవాఁడు
మత్తపుటజ్ఞానమా మమ్మేమి చూచేవు
(||pallavi||)
iṁkanainā royarādā yībāḍivāra miṁte
maṁkum̐danamela māmāḍa vinarādā
(||iṁka||)
tolubŏṁta gaṭṭugŏnnadŏra niṁte nannu nīvu
kūḽasaṁsāramā yela kŏsarevu
yīlagŏnna yŏmugala iṁṭilo kām̐pura miṁte
yela māya vĕṁṭam̐bĕṭṭe vemi gaddu nīgunu
(||iṁka||)
paṁchabhūdabu suṭṭāla badugulovām̐ḍa niṁte
yĕṁcha kiṁdriyayāsagu lela vachcheru
kaṁchabu gālāvaḍiṁche kalimilovāra miṁte
saṁchalabuḍāsalu seyi sām̐sanem̐ṭigi
(||iṁka||)
nĕtturujaladurgāna nilisinavām̐ḍa niṁte
jŏttum̐bābamulu yela soḍaḍigeru
hattina śhrīveṁkaḍeśhum̐ḍātmalona nunnavām̐ḍu
mattabuḍajñānamā mammemi sūsevu