ఇంకా నింకా రమణుఁడు యేమనీనె
(॥పల్లవి॥)
ఇంకా నింకా రమణుఁడు యేమనీనె
వంక లొత్తఁబోతేను వాసివుట్టీ నాకు
(॥ఇంకా॥)
చనవు తానిచ్చినది చలముతో మాఁటాడితి
పెనఁగఁ బోయితే మరి పిరివీకులె
తనమాఁట నామాఁట తరుణు లెరుఁగుదురు
ననిచి తడవఁబోతే నవ్వువచ్చీ నాకు
(॥ఇంకా॥)
సమ్మతించినదె తాను సరసము నేనాడితి
కమ్మరఁ గమ్మర నయితే కసిగాట్లె
నెమ్మనము లిద్దరివి నిండుక అట్టె వున్నవి
పమ్మి కొసరఁగఁబోతే పచ్చిదోఁచీ నాకు
(॥ఇంకా॥)
నేరిపె నన్నియుఁ దా నెయ్యమున నేఁగూడితి
తారుకాణించఁగఁ బోతే తగులాయమె
యీరీతి శ్రీవెంకటేశుఁ డిన్నిటాను నన్నునేలె
చేరి చెనకఁగఁబోతే సిగ్గువచ్చీ నాకు
(||pallavi||)
iṁkā niṁkā ramaṇum̐ḍu yemanīnĕ
vaṁka lŏttam̐bodenu vāsivuṭṭī nāgu
(||iṁkā||)
sanavu tānichchinadi salamudo mām̐ṭāḍidi
pĕnam̐gam̐ boyide mari pirivīgulĕ
tanamām̐ṭa nāmām̐ṭa taruṇu lĕrum̐guduru
nanisi taḍavam̐bode navvuvachchī nāgu
(||iṁkā||)
sammadiṁchinadĕ tānu sarasamu nenāḍidi
kammaram̐ gammara nayide kasigāṭlĕ
nĕmmanamu liddarivi niṁḍuga aṭṭĕ vunnavi
pammi kŏsaram̐gam̐bode pachchidom̐sī nāgu
(||iṁkā||)
neribĕ nanniyum̐ dā nĕyyamuna nem̐gūḍidi
tārugāṇiṁcham̐gam̐ bode tagulāyamĕ
yīrīdi śhrīvĕṁkaḍeśhum̐ ḍinniḍānu nannunelĕ
seri sĕnagam̐gam̐bode sigguvachchī nāgu