ఇంకా నీ చిత్తము యేమనే నిన్ను
(॥పల్లవి॥)
ఇంకా నీ చిత్తము యేమనే నిన్ను
అంకెకు రావు సిగ్గులు ఆఱడాయ వలపు
(॥ఇంకా॥)
చలము సాదించరాదు చనువు మెరయరాదు
పలిచి చన్నులంటేవు ప్రియముతోడ
కలకల నవ్వేవు కప్పురము చల్లేవు
చలివాయవు సిగ్గులు చండిపడె వలపు
(॥ఇంకా॥)
పేరుకొని దూరరాదు పెనఁగి మొక్కఁగరాదు
నారువోసేవు నామీఁద నయగారాలు
మేరమీరి చెనకేవు మెచ్చి విడెమిచ్చేవు
తీరవెంతైనా సిగ్గులు దిమ్మురెఁగె వలపు
(॥ఇంకా॥)
గక్కన జంకించరాదు కాయము మరవరాదు
యెక్కువ శ్రీవేంకటేశ యిట్టె కూడితి
దక్కి నాకు లోఁగేవు తనువెల్ల నిమిరేవు
తక్కువగావు సిగ్గులు తతిగొనె వలపు
(||pallavi||)
iṁkā nī sittamu yemane ninnu
aṁkĕgu rāvu siggulu āṟaḍāya valabu
(||iṁkā||)
salamu sādiṁcharādu sanuvu mĕrayarādu
palisi sannulaṁṭevu priyamudoḍa
kalagala navvevu kappuramu sallevu
salivāyavu siggulu saṁḍibaḍĕ valabu
(||iṁkā||)
perugŏni dūrarādu pĕnam̐gi mŏkkam̐garādu
nāruvosevu nāmīm̐da nayagārālu
meramīri sĕnagevu mĕchchi viḍĕmichchevu
tīravĕṁtainā siggulu dimmurĕm̐gĕ valabu
(||iṁkā||)
gakkana jaṁkiṁcharādu kāyamu maravarādu
yĕkkuva śhrīveṁkaḍeśha yiṭṭĕ kūḍidi
dakki nāgu lom̐gevu tanuvĕlla nimirevu
takkuvagāvu siggulu tadigŏnĕ valabu