ఇంక నేల వేగిరము యింతలోని పనికిఁగా
(॥పల్లవి॥)
ఇంక నేల వేగిరము యింతలోని పనికిఁగా
తెంకి నే పానుపుమీఁద దిద్దుకొనేఁ గాని
(॥ఇంక॥)
అంతనీవు దగ్గరకు ఆయములు సోఁకీని
పంతపు మాటాడకుర పచ్చి రేఁగీని
కొంత నీవు నవ్వకురా గుండె గడు ఝల్లురనీ
మంతనాన నీ పగటు మందలించేఁ గాని
(॥ఇంక॥)
తప్పక చూడకురా తనువెల్లఁ బులకించీ
చిప్పిలఁ బెనఁగకురా చెమరించీని
కప్పకుర పచ్చడము కడు సిగ్గు ముంచీని
చెప్పగల సుద్ది రేయి చెప్పేఁ గాని
(॥ఇంక॥)
బొమ్మల జంకించకురా పొరి నాకు చాలురా నీ
తమ్మ మోవి మోపకురా దప్పి దేరీని
చెమ్మగిలఁ గూడితివి శ్రీ వెంకటేశ నన్ను
సమ్మతించ నీగుణము చలి వాపేఁగాని
(||pallavi||)
iṁka nela vegiramu yiṁtaloni panigim̐gā
tĕṁki ne pānubumīm̐da diddugŏnem̐ gāni
(||iṁka||)
aṁtanīvu daggaragu āyamulu som̐kīni
paṁtabu māḍāḍagura pachchi rem̐gīni
kŏṁta nīvu navvagurā guṁḍĕ gaḍu jhalluranī
maṁtanāna nī pagaḍu maṁdaliṁchem̐ gāni
(||iṁka||)
tappaga sūḍagurā tanuvĕllam̐ bulagiṁchī
sippilam̐ bĕnam̐gagurā sĕmariṁchīni
kappagura pachchaḍamu kaḍu siggu muṁchīni
sĕppagala suddi reyi sĕppem̐ gāni
(||iṁka||)
bŏmmala jaṁkiṁchagurā pŏri nāgu sālurā nī
tamma movi mobagurā dappi derīni
sĕmmagilam̐ gūḍidivi śhrī vĕṁkaḍeśha nannu
sammadiṁcha nīguṇamu sali vābem̐gāni