(॥పల్లవి॥)
ఇందునందుఁ దిరుగుచు నెవ్వరివాఁడవు గాక
బందెపసురమవైతి బాపు జీవుఁడా
(॥ఇందు॥)
తోలుబొక్కలోనఁ జొచ్చి తూలేటిఁయాకలిచేత
పాలుమాలి యిందరికి బంటుబంటవై
యేలినవానిఁ గానక యేచినయాసల వెంట
కూలికిఁబో దొరకొంటి కూళజీవుఁడా
(॥ఇందు॥)
తీఁటమేనిలోనఁ జొచ్చి దిమ్మరిదొంగలచేత
మూఁటగట్టించుక నీవు మూలదొరవై
గాఁటపువిభునిచేతిఘనత కోరికలకు
వేఁటకుక్కవైతివి వెఱ్ఱిజీవుఁడా
(॥ఇందు॥)
చీమలింటిలోనఁ జొచ్చి చిక్కువడి అందరిలో
దోమకరకుట్లకు తోడిదొంగవై
యేమరి వేంకటవిభు నెఱఁగక జాడుఁజొప్ప
నాము మేయ దొరకొంటి నాలిజీవుఁడా
(||pallavi||)
iṁdunaṁdum̐ dirugusu nĕvvarivām̐ḍavu gāga
baṁdĕbasuramavaidi bābu jīvum̐ḍā
(||iṁdu||)
tolubŏkkalonam̐ jŏchchi tūleḍim̐yāgaliseda
pālumāli yiṁdarigi baṁṭubaṁṭavai
yelinavānim̐ gānaga yesinayāsala vĕṁṭa
kūligim̐bo dŏragŏṁṭi kūḽajīvum̐ḍā
(||iṁdu||)
tīm̐ṭamenilonam̐ jŏchchi dimmaridŏṁgalaseda
mūm̐ṭagaṭṭiṁchuga nīvu mūladŏravai
gām̐ṭabuvibhunisedighanada korigalagu
vem̐ṭagukkavaidivi vĕṭrijīvum̐ḍā
(||iṁdu||)
sīmaliṁṭilonam̐ jŏchchi sikkuvaḍi aṁdarilo
domagaraguṭlagu toḍidŏṁgavai
yemari veṁkaḍavibhu nĕṟam̐gaga jāḍum̐jŏppa
nāmu meya dŏragŏṁṭi nālijīvum̐ḍā