ఇందులోనే కానవచ్చె నిన్నిటా నీ మహిమలు
(॥పల్లవి॥)
ఇందులోనే కానవచ్చె నిన్నిటా నీ మహిమలు
చెంది నీవే దిక్కు మాకు సీతాపతిరామా
(॥ఇందు॥)
దేవ నీకు వలసితే తృణము బ్రహ్మాస్త్రమాయ
భావించితే రాతికిఁ బ్రాణము వచ్చె
కావలసి యేసితే నాకాశముకట్లు దెగె
దైవమవంటే నీవే దశరథరామా
(॥ఇందు॥)
కూరుచుక యేలితేను కోఁతులు రాజ్యముసేసె
కోరితేనే నీటిపైఁ గొండలు దేలె
సారెఁ గదలివచ్చె నీ సన్నల సంజీవికొండ
యేరీతి నీసరి వేరీ యినకులరామా
(॥ఇందు॥)
సూటి నీవు దలఁచితే సురలు పంపుసేసిరి
చాటితేనే నీపేరు జపమాయను
ఆటల నీకతలెల్లా నాచంద్రార్కమై నిలిచె
గాటపు సిరుల శ్రీవేంకటగిరిరామా
(||pallavi||)
iṁdulone kānavachchĕ ninniḍā nī mahimalu
sĕṁdi nīve dikku māgu sīdābadirāmā
(||iṁdu||)
deva nīgu valaside tṛṇamu brahmāstramāya
bhāviṁchide rādigim̐ brāṇamu vachchĕ
kāvalasi yeside nāgāśhamugaṭlu dĕgĕ
daivamavaṁṭe nīve daśharatharāmā
(||iṁdu||)
kūrusuga yelidenu kom̐tulu rājyamusesĕ
koridene nīḍibaim̐ gŏṁḍalu delĕ
sārĕm̐ gadalivachchĕ nī sannala saṁjīvigŏṁḍa
yerīdi nīsari verī yinagularāmā
(||iṁdu||)
sūḍi nīvu dalam̐side suralu paṁpusesiri
sāḍidene nīberu jabamāyanu
āḍala nīgadalĕllā nāsaṁdrārgamai nilisĕ
gāḍabu sirula śhrīveṁkaḍagirirāmā