(॥పల్లవి॥)
ఇందులోనఁ గల సుఖమింతే చాలు మాకు
నిందు వెలియైన సిరులేమియు నొల్లము
(॥ఇందులో॥)
ఆదిదేవు నచ్యుతు సర్వాంతరాత్మకుని
వేదవేద్యుఁ గమలాక్షు విశ్వపూర్ణుని
శ్రీదేవు హరి నాశ్రిత పారిజాతుని
అదిగొని శరణంటి మన్యము నేమొల్లము
(॥ఇందులో॥)
పరమాత్ముఁ బరిపూర్ణు భవరోగవైద్యుని
మురహరు గోవిందు ముకుందుని
హరిఁ బుండరీకాక్షు ననంతు నభవుని
పరగ నుతించితిమి పరుల నేమొల్లము
(॥ఇందులో॥)
అనుపమ గుణదేహు నణురేణు పరిపూర్ణు
ఘనుఁ జింరంతనుని కలిభంజను
దనుజాంతకుని సర్వధరు శ్రీవేంకటపతిఁ
గని కొలిచితిమి యేగతులు నేమొల్లము
(||pallavi||)
iṁdulonam̐ gala sukhamiṁte sālu māgu
niṁdu vĕliyaina sirulemiyu nŏllamu
(||iṁdulo||)
ādidevu nachyudu sarvāṁtarātmaguni
vedavedyum̐ gamalākṣhu viśhvabūrṇuni
śhrīdevu hari nāśhrida pārijāduni
adigŏni śharaṇaṁṭi manyamu nemŏllamu
(||iṁdulo||)
paramātmum̐ baribūrṇu bhavarogavaidyuni
muraharu goviṁdu muguṁduni
harim̐ buṁḍarīgākṣhu nanaṁtu nabhavuni
paraga nudiṁchidimi parula nemŏllamu
(||iṁdulo||)
anubama guṇadehu naṇureṇu paribūrṇu
ghanum̐ jiṁraṁtanuni kalibhaṁjanu
danujāṁtaguni sarvadharu śhrīveṁkaḍabadim̐
gani kŏlisidimi yegadulu nemŏllamu