(॥పల్లవి॥)
ఇందులోన నే నెవ్వరిఁబోలుదు
అంది నీవాఁడ నే ననుకొంటిఁ జుమ్మీ
(॥ఇందు॥)
జలజనాభ నీ శరణనువారలు
అల నారదసనకాదులు
కెలన మరియు నీ కింకరవర్తులు
తెలిసిన బ్రహ్మాదిదేవతలు
(॥ఇందు॥)
నోరార హరి నిను నుతించువారలు
చేరువ నుండేటి శేషాదులు
ధారుణిలో నీదాసాన(ను?)దాసులు
మారుతిముఖ్యులు మహామహులు
(॥ఇందు॥)
బడి నీచే ముక్తి వడసినవారలు
సుడిగొను మునిజన శుకాదులు
కడఁగిన శ్రీవేంకటపతి నీవే
తడవి నన్ను దయదలఁచుమీ
(||pallavi||)
iṁdulona ne nĕvvarim̐boludu
aṁdi nīvām̐ḍa ne nanugŏṁṭim̐ jummī
(||iṁdu||)
jalajanābha nī śharaṇanuvāralu
ala nāradasanagādulu
kĕlana mariyu nī kiṁkaravardulu
tĕlisina brahmādidevadalu
(||iṁdu||)
norāra hari ninu nudiṁchuvāralu
seruva nuṁḍeḍi śheṣhādulu
dhāruṇilo nīdāsāna(nu?)dāsulu
mārudimukhyulu mahāmahulu
(||iṁdu||)
baḍi nīse mukti vaḍasinavāralu
suḍigŏnu munijana śhugādulu
kaḍam̐gina śhrīveṁkaḍabadi nīve
taḍavi nannu dayadalam̐sumī