(॥పల్లవి॥)
ఇందులోపలఁ దనకు నెందువారమె నేము
అందంబుగా నతని నడుగరే చెలులు
(॥ఇందు॥)
తగులు గలిగిన యడల తమకమింతయు నమరు
నగినయడలను మిగుల నటనలమరు
తెగువ గలిగిన యడల తేఁకువలు గడునమరు
మొగమోట గల యెడల మోహంబులమరు
(॥ఇందు॥)
మనసు లెనసిన యెడల మాటలన్నియునమరు
ననుపు గలిగినయడల నయములమరు
చనవు గలిగిన యడల సరసమంతయునమరు
పెనకువలు గల యడల ప్రియములునునమరు
(॥ఇందు॥)
కూడియుండెటియడల గుఱుతులిన్నియునమరు
వాడికలు గలయడల వలపులమరు
యీడనే శ్రీ వేంకటేశుఁడిటు ననుఁ గూడె
వేడుకలు యీయెడల వేవేలునమరు
(||pallavi||)
iṁdulobalam̐ danagu nĕṁduvāramĕ nemu
aṁdaṁbugā nadani naḍugare sĕlulu
(||iṁdu||)
tagulu galigina yaḍala tamagamiṁtayu namaru
naginayaḍalanu migula naḍanalamaru
tĕguva galigina yaḍala tem̐kuvalu gaḍunamaru
mŏgamoḍa gala yĕḍala mohaṁbulamaru
(||iṁdu||)
manasu lĕnasina yĕḍala māḍalanniyunamaru
nanubu galiginayaḍala nayamulamaru
sanavu galigina yaḍala sarasamaṁtayunamaru
pĕnaguvalu gala yaḍala priyamulununamaru
(||iṁdu||)
kūḍiyuṁḍĕḍiyaḍala guṟudulinniyunamaru
vāḍigalu galayaḍala valabulamaru
yīḍane śhrī veṁkaḍeśhum̐ḍiḍu nanum̐ gūḍĕ
veḍugalu yīyĕḍala vevelunamaru