ఇందుకుఁగాఁ బ్రతివాదాలేలే విభుఁనితోడ
(॥పల్లవి॥)
ఇందుకుఁగాఁ బ్రతివాదాలేలే విభుఁనితోడ
పందెమువలె గెలుపు పైపైనే వుండును
(॥ఇందు॥)
మచ్చికసేసీ నతఁడు మారుమాటాడకువే
కుచ్చిపట్టి కాఁగిలించికూడె నిన్నును
వచ్చిరాని పందెమువంటిదే యీవలపెల్లా
కొచ్చి లోలోఁ దలఁపంచుకొంటాఁ దానుండును
(॥ఇందు॥)
చెక్కులునొక్కీ నతఁడు చెమరించీ తిట్టకువే
పక్కున నిట్టేకాఁగిటఁబట్టీ నిన్నును
చక్కెరబొమ్మవంటిది చవిగొంటే నీవలపు
యెక్కడఁ జిక్కించుకొన్నా నింతాఁ దీపైవుండును
(॥ఇందు॥)
యేలెను శ్రీవెంకటేశుఁ డెగ్గులేమీ నెంచకువే
లాలించె రతులఁ బెక్కులాగుల నిన్ను
పాలజలధివంటిది పచరించిన వలపు
వేళ నెంతవాడినాను వెలితిగాకుండును
(||pallavi||)
iṁdugum̐gām̐ bradivādālele vibhum̐nidoḍa
paṁdĕmuvalĕ gĕlubu paibaine vuṁḍunu
(||iṁdu||)
machchigasesī nadam̐ḍu mārumāḍāḍaguve
kuchchibaṭṭi kām̐giliṁchigūḍĕ ninnunu
vachchirāni paṁdĕmuvaṁṭide yīvalabĕllā
kŏchchi lolom̐ dalam̐paṁchugŏṁṭām̐ dānuṁḍunu
(||iṁdu||)
sĕkkulunŏkkī nadam̐ḍu sĕmariṁchī tiṭṭaguve
pakkuna niṭṭegām̐giḍam̐baṭṭī ninnunu
sakkĕrabŏmmavaṁṭidi savigŏṁṭe nīvalabu
yĕkkaḍam̐ jikkiṁchugŏnnā niṁtām̐ dībaivuṁḍunu
(||iṁdu||)
yelĕnu śhrīvĕṁkaḍeśhum̐ ḍĕggulemī nĕṁchaguve
lāliṁchĕ radulam̐ bĕkkulāgula ninnu
pālajaladhivaṁṭidi pasariṁchina valabu
veḽa nĕṁtavāḍinānu vĕlidigāguṁḍunu