ఇందుకుఁ జింతించనేల యీశ్వరుని మాయ లివి
(॥పల్లవి॥)
ఇందుకుఁ జింతించనేల యీశ్వరుని మాయ లివి
యెందుకు మూలము హరి యీతనిఁ జింతించరే
(॥ఇందు॥)
అల నారికడపుఁ గాయకు నీరు వచ్చినయట్టు
తలఁచి రాఁగల మేలు తన్నుఁ దానే వచ్చురే
లలి నేనుగుదిన్న వెలఁగపంటి బేసము-
వలెనే పోఁగలవెల్ల వడిఁ దానే పోవురే
(॥ఇందు॥)
నిండిన యద్దములోన నీడ వొడచూపినట్టు
దండియైన పుట్టుగులు తన్నుఁ దానే వచ్చురే
పండిన పండ్లు తొడమఁబాసి వూడినయట్టు
అండనే మరణములు అందరికి సరిరే
(॥ఇందు॥)
పెనురాతిపై గడవ పెట్టగాఁ గుదురై నట్టు
తనుఁదానే చింతింపఁ దలఁపు నిలుచురే
ఘనుఁడు శ్రీవేంకటేశుఁ గని శరణన్నఁ జాలు
వెనక పాపాలు మంచు విచ్చినట్టు విచ్చురే
(||pallavi||)
iṁdugum̐ jiṁtiṁchanela yīśhvaruni māya livi
yĕṁdugu mūlamu hari yīdanim̐ jiṁtiṁchare
(||iṁdu||)
ala nārigaḍabum̐ gāyagu nīru vachchinayaṭṭu
talam̐si rām̐gala melu tannum̐ dāne vachchure
lali nenugudinna vĕlam̐gabaṁṭi besamu-
valĕne pom̐galavĕlla vaḍim̐ dāne povure
(||iṁdu||)
niṁḍina yaddamulona nīḍa vŏḍasūbinaṭṭu
daṁḍiyaina puṭṭugulu tannum̐ dāne vachchure
paṁḍina paṁḍlu tŏḍamam̐bāsi vūḍinayaṭṭu
aṁḍane maraṇamulu aṁdarigi sarire
(||iṁdu||)
pĕnurādibai gaḍava pĕṭṭagām̐ gudurai naṭṭu
tanum̐dāne siṁtiṁpam̐ dalam̐pu nilusure
ghanum̐ḍu śhrīveṁkaḍeśhum̐ gani śharaṇannam̐ jālu
vĕnaga pābālu maṁchu vichchinaṭṭu vichchure