(॥పల్లవి॥)
ఇందుకొరకె యిందరును నిట్లయిరి
కిందుపడి మఱికాని గెలుపెఱఁగరాదు
(॥ఇందు॥)
అటమటపువేడుకల నలయించి మఱికదా
ఘటియించుఁ బరము తటుకన దైవము
ఇటు సేయ నీశ్వరున కీసు గలదా? లేదు.
కుటిలమతిఁ గని కాని గుణిఁ గానరాదు
(॥ఇందు॥)
బెండుపడ నవగతులఁ బెనఁగించి మఱికదా
కొండనుచుఁ బర మొసంగును దైవము
బండుసేయఁగ హరికి బంతమా? యటుగాదు.
యెండదాఁకక నీడహిత వెఱఁగరాదు
(॥ఇందు॥)
మునుప వేల్పులకెల్ల మ్రొక్కించి మఱికదా
తనభ క్తి యొసఁగు నంతట దైవము
ఘనవేంకటేశునకు గపటమా? అటుగాదు.
తినక చేఁదునుఁ దీపు తెలియనేరాదు.
(||pallavi||)
iṁdugŏragĕ yiṁdarunu niṭlayiri
kiṁdubaḍi maṟigāni gĕlubĕṟam̐garādu
(||iṁdu||)
aḍamaḍabuveḍugala nalayiṁchi maṟigadā
ghaḍiyiṁchum̐ baramu taḍugana daivamu
iḍu seya nīśhvaruna kīsu galadā? ledu.
kuḍilamadim̐ gani kāni guṇim̐ gānarādu
(||iṁdu||)
bĕṁḍubaḍa navagadulam̐ bĕnam̐giṁchi maṟigadā
kŏṁḍanusum̐ bara mŏsaṁgunu daivamu
baṁḍuseyam̐ga harigi baṁtamā? yaḍugādu.
yĕṁḍadām̐kaga nīḍahida vĕṟam̐garādu
(||iṁdu||)
munuba velbulagĕlla mrŏkkiṁchi maṟigadā
tanabha kti yŏsam̐gu naṁtaḍa daivamu
ghanaveṁkaḍeśhunagu gabaḍamā? aḍugādu.
tinaga sem̐dunum̐ dību tĕliyanerādu.