ఇందుకేమి దోసమా యింతలోని పని కేమి
(॥పల్లవి॥)
ఇందుకేమి దోసమా యింతలోని పని కేమి
కందుఁ గుందు నేరుపుచేఁ గప్పి పోయఁ బో
(॥ఇందు॥)
చక్కని నీ వదనము చందరునికంటె మేలు
ముక్క పోయినది నీ మోవి యింతె పో
మిక్కిలి నీతురుమిది మేఘముకంటె మేలు
చిక్కువడి జారివది సిగ్గువాటి పో
(॥ఇందు॥)
నిచ్చలు నీ దేహ మిది నీలముకంటె మేలు
పచ్చియై వున్నది నీ భావ మింతె పో
తచ్చిన నీ కరములు తామెరకంటె మేలు
కొచ్చి దయలేనిది నీ కొనగోరె పో
(॥ఇందు॥)
పమ్మిన నీ కాఁగిలిది పానుపు కంటె మేలు
వుమ్మచెమటలఁ దోఁగె వుర మింతె పో
యెమ్మెల శ్రీ వెంకటేశ యిన్నిటా నీవు మేలు
చిమ్మి చిక్కించేది నీ చెలువమె పో
(||pallavi||)
iṁdugemi dosamā yiṁtaloni pani kemi
kaṁdum̐ guṁdu nerubusem̐ gappi poyam̐ bo
(||iṁdu||)
sakkani nī vadanamu saṁdarunigaṁṭĕ melu
mukka poyinadi nī movi yiṁtĕ po
mikkili nīdurumidi meghamugaṁṭĕ melu
sikkuvaḍi jārivadi sigguvāḍi po
(||iṁdu||)
nichchalu nī deha midi nīlamugaṁṭĕ melu
pachchiyai vunnadi nī bhāva miṁtĕ po
tachchina nī karamulu tāmĕragaṁṭĕ melu
kŏchchi dayalenidi nī kŏnagorĕ po
(||iṁdu||)
pammina nī kām̐gilidi pānubu kaṁṭĕ melu
vummasĕmaḍalam̐ dom̐gĕ vura miṁtĕ po
yĕmmĕla śhrī vĕṁkaḍeśha yinniḍā nīvu melu
simmi sikkiṁchedi nī sĕluvamĕ po