ఇందుకే నేఁ జింతించేను యెటువలె నున్నాఁడవో
(॥పల్లవి॥)
ఇందుకే నేఁ జింతించేను యెటువలె నున్నాఁడవో
సందడి పెండ్లిండ్లాయ సరుస నీబతుకు
(॥ఇందు॥)
చెంతలనాపె నీపైఁ జెలు చాఁచఁగాను
వంతుకుఁ జెయి చాఁచితినివ్వల నేనుండి
యింతుల మిద్దరమును యిరువంకలానుండఁగా
సంతకూటమాయను చక్కని నీమేను
(॥ఇందు॥)
ఆకడనాకె నీకు నాకుమడిచియ్యఁగాను
యీకడ నేనూ నీకునిచ్చితినిట్టే
కైకొని యిద్దరునూడిగము నీకుఁ జేయఁగాను
కాకువడి కలగూరగంపాయ నీనోరు
(॥ఇందు॥)
గక్కన నాపె నిన్నుఁ గాఁగిటఁ గూడఁగాను
వొక్కటై నేనూనట్టే వొనరఁగాను
యిక్కువ శ్రీ వెంకటేశ యెనసి యిద్దరివల్లా
అక్కర నురిపేకళ్ళమాయను నీవురము
(||pallavi||)
iṁduge nem̐ jiṁtiṁchenu yĕḍuvalĕ nunnām̐ḍavo
saṁdaḍi pĕṁḍliṁḍlāya sarusa nībadugu
(||iṁdu||)
sĕṁtalanābĕ nībaim̐ jĕlu sām̐sam̐gānu
vaṁtugum̐ jĕyi sām̐sidinivvala nenuṁḍi
yiṁtula middaramunu yiruvaṁkalānuṁḍam̐gā
saṁtagūḍamāyanu sakkani nīmenu
(||iṁdu||)
āgaḍanāgĕ nīgu nāgumaḍisiyyam̐gānu
yīgaḍa nenū nīgunichchidiniṭṭe
kaigŏni yiddarunūḍigamu nīgum̐ jeyam̐gānu
kāguvaḍi kalagūragaṁpāya nīnoru
(||iṁdu||)
gakkana nābĕ ninnum̐ gām̐giḍam̐ gūḍam̐gānu
vŏkkaḍai nenūnaṭṭe vŏnaram̐gānu
yikkuva śhrī vĕṁkaḍeśha yĕnasi yiddarivallā
akkara nuribegaḽḽamāyanu nīvuramu