ఇందుకే మెచ్చేరు చూచి యింతులెల్ల నిన్నును
(॥పల్లవి॥)
ఇందుకే మెచ్చేరు చూచి యింతులెల్ల నిన్నును
విందుల నీ సొబగుకే వెలలేదుగాక
(॥ఇందు॥)
పన్నిన కొలువులోని పతిమెలెందరు లేరు
నిన్ను మోహింపించినదే నెలఁతగాక
యెన్నిలేవు కళలు నీకివె చెక్కుల మీఁదట
చిన్నికొనగోరురేకే చెప్పరాదుగాక
(॥ఇందు॥)
చప్పని వుప్పని మాఁటసరసములెన్ని లేవు
కొప్పువట్టి తీసినదే కొత్తలుగాక
ముప్పిరి మోవి మీఁదటి మొగచాటులెన్ని లేవు
కప్పి తములమిడుటే కతలాయఁగాక
(॥ఇందు॥)
సిగ్గువడ్డ చిత్తములో చిందువందులెన్ని లేవు
దగ్గరికూడినదే తగులుగాక
అగ్గమై శ్రీ వెంకటేశ ఆసలాసలెన్ని లేవు
నిగ్గుల యీకూటములే నేరుపులుగాక
(||pallavi||)
iṁduge mĕchcheru sūsi yiṁtulĕlla ninnunu
viṁdula nī sŏbaguge vĕlaledugāga
(||iṁdu||)
pannina kŏluvuloni padimĕlĕṁdaru leru
ninnu mohiṁpiṁchinade nĕlam̐tagāga
yĕnnilevu kaḽalu nīgivĕ sĕkkula mīm̐daḍa
sinnigŏnagorurege sĕpparādugāga
(||iṁdu||)
sappani vuppani mām̐ṭasarasamulĕnni levu
kŏppuvaṭṭi tīsinade kŏttalugāga
muppiri movi mīm̐daḍi mŏgasāḍulĕnni levu
kappi tamulamiḍuḍe kadalāyam̐gāga
(||iṁdu||)
sigguvaḍḍa sittamulo siṁduvaṁdulĕnni levu
daggarigūḍinade tagulugāga
aggamai śhrī vĕṁkaḍeśha āsalāsalĕnni levu
niggula yīgūḍamule nerubulugāga