ఇందుకే కాలమందే యీతని శరణంటిమి
(॥పల్లవి॥)
ఇందుకే కాలమందే యీతని శరణంటిమి
ముందుముందే దయఁజూచి మొగిఁ గాచుఁగాక
(॥ఇందు॥)
పుడమి గుంగిన నెత్తె పురుషోత్తముఁ డితఁడు
యెడసి కొండ గుంగితే నెత్తె నితఁడు
అడరి సంసారవార్ధి నడఁగిన దాసులను
యిడుములఁ బొందకుండా యెత్తి కాచుఁగాక
(॥ఇందు॥)
పట్టి ప్రహ్లాదు బాధలు పాపిన దేవుఁ డితఁడు
రెట్టిగా వేదము లుద్ధరించె నితఁడు
వట్టి దుష్టులలో సహవాసమైతే దాసులను
దిట్టయై వెళ్లఁదీసి తా దిక్కై కాచుఁగాక
(॥ఇందు॥)
లంకలో సీతఁ దెచ్చిన లావరి తానే యితఁడు
మంకు అహల్యశాపము మాన్పె నితఁడు
అంకెల శ్రీవేంకటేశుఁ డతిభీతిఁ బాపి మమ్ము
గొంకక తన దాసులఁ గూడి కాచుఁగాక
(||pallavi||)
iṁduge kālamaṁde yīdani śharaṇaṁṭimi
muṁdumuṁde dayam̐jūsi mŏgim̐ gāsum̐gāga
(||iṁdu||)
puḍami guṁgina nĕttĕ puruṣhottamum̐ ḍidam̐ḍu
yĕḍasi kŏṁḍa guṁgide nĕttĕ nidam̐ḍu
aḍari saṁsāravārdhi naḍam̐gina dāsulanu
yiḍumulam̐ bŏṁdaguṁḍā yĕtti kāsum̐gāga
(||iṁdu||)
paṭṭi prahlādu bādhalu pābina devum̐ ḍidam̐ḍu
rĕṭṭigā vedamu luddhariṁchĕ nidam̐ḍu
vaṭṭi duṣhṭulalo sahavāsamaide dāsulanu
diṭṭayai vĕḽlam̐dīsi tā dikkai kāsum̐gāga
(||iṁdu||)
laṁkalo sīdam̐ dĕchchina lāvari tāne yidam̐ḍu
maṁku ahalyaśhābamu mānpĕ nidam̐ḍu
aṁkĕla śhrīveṁkaḍeśhum̐ ḍadibhīdim̐ bābi mammu
gŏṁkaga tana dāsulam̐ gūḍi kāsum̐gāga