ఇందుకంటె నేమి సేతు నిదివో నేను
(॥పల్లవి॥)
ఇందుకంటె నేమి సేతు నిదివో నేను
వొందిలిఁ దాఁ బిలిచితే నూఁకొననా నేను
(॥ఇందు॥)
ఆనిపట్టి తనతో నలిగి వుందాననా
మోనానఁ దన కిప్పుడు మొక్కనా నేను
మానుపడి తనపొందు మానితినా తొల్లి టట్టె
కాను కియ్యనా నేఁడు కడనుండి నేను
(॥ఇందు॥)
గొంటుఁ దనమున నేఁ గోపగించు కుందాననా
వొంటిఁ దలవంచు కొద్ద నుండనా నేను
దంటనై నేఁ జలపట్టి దగ్గర కుందాననా
అంటు ముట్టు గలదాన నాడ నుంటి నేను
(॥ఇందు॥)
కాంతుఁడు కొంగువట్టఁగాఁ గైకొన కుందాననా
అంతలోనె పరవశ మందనా నేను
చింత దీర నన్నుఁ గూడె శ్రీ వెంకటేశ్వరుఁడు
వింత సొబగుల విఱ్ఱవీఁగనా నేను
(||pallavi||)
iṁdugaṁṭĕ nemi sedu nidivo nenu
vŏṁdilim̐ dām̐ biliside nūm̐kŏnanā nenu
(||iṁdu||)
ānibaṭṭi tanado naligi vuṁdānanā
monānam̐ dana kippuḍu mŏkkanā nenu
mānubaḍi tanabŏṁdu mānidinā tŏlli ṭaṭṭĕ
kānu kiyyanā nem̐ḍu kaḍanuṁḍi nenu
(||iṁdu||)
gŏṁṭum̐ danamuna nem̐ gobagiṁchu kuṁdānanā
vŏṁṭim̐ dalavaṁchu kŏdda nuṁḍanā nenu
daṁṭanai nem̐ jalabaṭṭi daggara kuṁdānanā
aṁṭu muṭṭu galadāna nāḍa nuṁṭi nenu
(||iṁdu||)
kāṁtum̐ḍu kŏṁguvaṭṭam̐gām̐ gaigŏna kuṁdānanā
aṁtalonĕ paravaśha maṁdanā nenu
siṁta dīra nannum̐ gūḍĕ śhrī vĕṁkaḍeśhvarum̐ḍu
viṁta sŏbagula viṭravīm̐ganā nenu