ఇందిరయుఁ దానుఁ గూడి యిట్టె వరాలొసఁగు తా
(॥పల్లవి॥)
ఇందిరయుఁ దానుఁ గూడి యిట్టె వరాలొసఁగు తా
సందడించి దిక్కులెల్లా సాధించీ నిదివో
(॥ఇంది॥)
వేదములే గుఱ్ఱములు విష్ణుని రథమునకు
వాదపు శాస్త్రములే తీవ్రపుఁ బగ్గాలు
పాదగు పంచభూతాలే పరగు బండికండ్లు
ఆదిగొని మనోవీధులందు నేఁగీ నిదివో
(॥ఇంది॥)
జీవులెల్లా సారథులు శ్రీవిభుని తేరునకు
కావించుఁ నెజ్ఞాలు పడిగల గుంపులు
భావించఁ దన ప్రకృతి పట్టపుసింహాసనము
వేవేలు సంపదలతో వెలసీ నేఁడిదివో
(॥ఇంది॥)
చందురుఁడు రవియును సరుస బైఁడికుండలు
చెందిన పుణ్యములెల్ల సింగారాలు
అందపు శ్రీవేంకటేశుఁ డలమేలుమంగఁ దాను
కందువల మెరయుచు కరుణించీ నిదివో
(||pallavi||)
iṁdirayum̐ dānum̐ gūḍi yiṭṭĕ varālŏsam̐gu tā
saṁdaḍiṁchi dikkulĕllā sādhiṁchī nidivo
(||iṁdi||)
vedamule guṭramulu viṣhṇuni rathamunagu
vādabu śhāstramule tīvrabum̐ baggālu
pādagu paṁchabhūdāle paragu baṁḍigaṁḍlu
ādigŏni manovīdhulaṁdu nem̐gī nidivo
(||iṁdi||)
jīvulĕllā sārathulu śhrīvibhuni terunagu
kāviṁchum̐ nĕjñālu paḍigala guṁpulu
bhāviṁcham̐ dana prakṛti paṭṭabusiṁhāsanamu
vevelu saṁpadalado vĕlasī nem̐ḍidivo
(||iṁdi||)
saṁdurum̐ḍu raviyunu sarusa baim̐ḍiguṁḍalu
sĕṁdina puṇyamulĕlla siṁgārālu
aṁdabu śhrīveṁkaḍeśhum̐ ḍalamelumaṁgam̐ dānu
kaṁduvala mĕrayusu karuṇiṁchī nidivo