(॥పల్లవి॥)
ఇందిరకు నురముమీఁదిచ్చిన నాఁడు
విందువలె హరి యిందు విచ్చేసె నాఁడు
(॥ఇందిర॥)
పరమపదమునందు బహుదివ్యవరణాలు
హరి గరిమలు పొలువలరు నాఁడు
గరుడఁడు నసంతుఁడుఁ గదిసి సేనేశుఁడు
హరి నిత్యసేవకులై రిందు నాఁడు
(॥ఇందిర॥)
పాల జలధిలోనఁ బవళించి హరి వచ్చి
భూ లోకమింతయుఁ జూచి పొగడునాఁడు
పాలించి నేలయు మిన్ను బహు దివ్య దేశాలు
గాలించి కోనేటిదరి గైగొంట నాఁడు
(॥ఇందిర॥)
నరసురోరగులెల్ల నలువంకఁ గొలువంగ
పురవైన వేడుకలఁ బొదలునాఁడు
విరజానదియుఁ దాను వేంకటపతి వచ్చి
పరమపద మిదని పాలించె నాఁడు
(||pallavi||)
iṁdiragu nuramumīm̐dichchina nām̐ḍu
viṁduvalĕ hari yiṁdu vichchesĕ nām̐ḍu
(||iṁdira||)
paramabadamunaṁdu bahudivyavaraṇālu
hari garimalu pŏluvalaru nām̐ḍu
garuḍam̐ḍu nasaṁtum̐ḍum̐ gadisi seneśhum̐ḍu
hari nityasevagulai riṁdu nām̐ḍu
(||iṁdira||)
pāla jaladhilonam̐ bavaḽiṁchi hari vachchi
bhū logamiṁtayum̐ jūsi pŏgaḍunām̐ḍu
pāliṁchi nelayu minnu bahu divya deśhālu
gāliṁchi koneḍidari gaigŏṁṭa nām̐ḍu
(||iṁdira||)
narasuroragulĕlla naluvaṁkam̐ gŏluvaṁga
puravaina veḍugalam̐ bŏdalunām̐ḍu
virajānadiyum̐ dānu veṁkaḍabadi vachchi
paramabada midani pāliṁchĕ nām̐ḍu