ఇందిరారమణుఁ దెచ్చి యియ్యరో మాకిటువలె
(॥పల్లవి॥)
ఇందిరారమణుఁ దెచ్చి యియ్యరో మాకిటువలె
పొంది యీతనిఁ బూజించ బొద్దాయ నిపుడు
(॥ఇంది॥)
ధారుణి మైరావణు దండించి రాముఁదెచ్చి
నేరుపుమించిన యంజనీతనయా
ఘోరనాగపాశములఁ గొట్టివేసి యీతని
కారుణ్యమందినట్టి ఖగరాజ గరుడా
(॥ఇంది॥)
నానాదేవతలకు నరసింహుఁ గంభములో
పానిపట్టి చూపినట్టి ప్రహ్లాదుఁడా
మానవుఁడై కృష్ణమహిమల విశ్వరూపు
పూని బండినుంచుకొన్న పొటుబంట యర్జునా
(॥ఇంది॥)
శ్రీ వల్లభునకు నశేషకైంకర్యముల
శ్రీ వేంకటాద్రి వైన శేషమూరితీ
కైవసమైన యట్టి కార్తవీర్యార్జునుఁడా యీ
దేవుని నీవేళ నిట్టె తెచ్చి మాకు నియ్యరే
(||pallavi||)
iṁdirāramaṇum̐ dĕchchi yiyyaro māgiḍuvalĕ
pŏṁdi yīdanim̐ būjiṁcha bŏddāya nibuḍu
(||iṁdi||)
dhāruṇi mairāvaṇu daṁḍiṁchi rāmum̐dĕchchi
nerubumiṁchina yaṁjanīdanayā
ghoranāgabāśhamulam̐ gŏṭṭivesi yīdani
kāruṇyamaṁdinaṭṭi khagarāja garuḍā
(||iṁdi||)
nānādevadalagu narasiṁhum̐ gaṁbhamulo
pānibaṭṭi sūbinaṭṭi prahlādum̐ḍā
mānavum̐ḍai kṛṣhṇamahimala viśhvarūbu
pūni baṁḍinuṁchugŏnna pŏḍubaṁṭa yarjunā
(||iṁdi||)
śhrī vallabhunagu naśheṣhagaiṁkaryamula
śhrī veṁkaḍādri vaina śheṣhamūridī
kaivasamaina yaṭṭi kārdavīryārjunum̐ḍā yī
devuni nīveḽa niṭṭĕ tĕchchi māgu niyyare