(॥పల్లవి॥)
ఇందిరానాయక యిదివో మాపాటు
చెంది నీవే గతి చేకొనవయ్యా
(॥ఇందిరా॥)
తీసీఁ గోరికతీదీపు లొకవంక
లాసీ సంసారలంపటము
మూసీఁ గర్మము మునుకొని పరచింత
సేసేదేమిఁకఁ జెప్పే దేమి
(॥ఇందిరా॥)
వంచీ నాసలు వలసినచోటికి
పొంచీ దుర్గుణబోగములు
ముంచీ యౌవనమోహాంధకారము
యెంచేదేమి సోదించేదేమి
(॥ఇందిరా॥)
యెఱిఁగీఁ జిత్తము యించుకించుక నిన్ను
మఱవనినీపైభక్తి మతినుండఁగా
నెఱి శ్రీవేంకటపతి నీవే కాతువుగాక
వెఱచి నేఁజేసే విన్నపమేమి
(||pallavi||)
iṁdirānāyaga yidivo mābāḍu
sĕṁdi nīve gadi segŏnavayyā
(||iṁdirā||)
tīsīm̐ gorigadīdību lŏgavaṁka
lāsī saṁsāralaṁpaḍamu
mūsīm̐ garmamu munugŏni parasiṁta
sesedemim̐kam̐ jĕppe demi
(||iṁdirā||)
vaṁchī nāsalu valasinasoḍigi
pŏṁchī durguṇabogamulu
muṁchī yauvanamohāṁdhagāramu
yĕṁchedemi sodiṁchedemi
(||iṁdirā||)
yĕṟim̐gīm̐ jittamu yiṁchugiṁchuga ninnu
maṟavaninībaibhakti madinuṁḍam̐gā
nĕṟi śhrīveṁkaḍabadi nīve kāduvugāga
vĕṟasi nem̐jese vinnabamemi