(॥పల్లవి॥)
ఇందిరాపతిమాయలు యింతులు సుండీ
మందలించి హరిఁ గొల్చి మనుదురుగాని
(॥ఇంది॥)
అతివలచూపులే ఆయాలు దాఁకీఁ జుండీ
జితమైనపులకల జిల్లులౌఁజుండీ
రతిపరవశములు రాఁగినమూర్ఛలు సుండీ
మతిలోఁ దప్పించుక మనుదురుగాని
(॥ఇంది॥)
మెఱయించేచన్నులే మించుఁబెట్లుగుండ్లు సుండీ
మెఱుఁగువమోవులే మచ్చు మేపులు సుండీ
మఱి మంచిమాటలు మాయపుటురులు సుండీ
మఱవక తప్పించుక మనుదురుగాని
(॥ఇంది॥)
బలుసంసారపుపొందు పాముతోడిపొత్తు సుండీ
వెలలేనివలపులు విషము సుండీ
యెలమితో శ్రీవేంకటేశ్వరుమఱఁగు చొచ్చి
మలయుచు సొలయుచు మనుదుచుగాని
(||pallavi||)
iṁdirābadimāyalu yiṁtulu suṁḍī
maṁdaliṁchi harim̐ gŏlsi manudurugāni
(||iṁdi||)
adivalasūbule āyālu dām̐kīm̐ juṁḍī
jidamainabulagala jillulaum̐juṁḍī
radibaravaśhamulu rām̐ginamūrshalu suṁḍī
madilom̐ dappiṁchuga manudurugāni
(||iṁdi||)
mĕṟayiṁchesannule miṁchum̐bĕṭluguṁḍlu suṁḍī
mĕṟum̐guvamovule machchu mebulu suṁḍī
maṟi maṁchimāḍalu māyabuḍurulu suṁḍī
maṟavaga tappiṁchuga manudurugāni
(||iṁdi||)
balusaṁsārabubŏṁdu pāmudoḍibŏttu suṁḍī
vĕlalenivalabulu viṣhamu suṁḍī
yĕlamido śhrīveṁkaḍeśhvarumaṟam̐gu sŏchchi
malayusu sŏlayusu manudusugāni