(॥పల్లవి॥)
ఇందిర వడ్డించ నింపుగను
చిందక యిట్లే భుజించవో స్వామి
(॥ఇందిర॥)
అక్కాళపాశాలు నప్పాలు వడలు
పెక్కైనసయిఁదంపుపేణులును
సక్కెరరాసులు సధ్యోఘృతములు
కిక్కిరియ నారగించవో స్యామీ
(॥ఇందిర॥)
మీరినకెళంగు మిరియపుఁదాళింపుఁ -
గూరలు కమ్మనికూరలును
సారంపుఁబచ్చళ్ళు చవులుగ నిట్టే
కూరిమితోఁ జేకొనవో స్వామీ
(॥ఇందిర॥)
పిండివంటలునుఁ బెరుగులుఁ బాలు
మెండైన పాశాలు మెచ్చి మెచ్చి
కొండలుపొడవు కోరి దివ్యాన్నాలు
వెండియు మెచ్చేవే వేంకటస్వామీ
(||pallavi||)
iṁdira vaḍḍiṁcha niṁpuganu
siṁdaga yiṭle bhujiṁchavo svāmi
(||iṁdira||)
akkāḽabāśhālu nappālu vaḍalu
pĕkkainasayim̐daṁpubeṇulunu
sakkĕrarāsulu sadhyoghṛtamulu
kikkiriya nāragiṁchavo syāmī
(||iṁdira||)
mīrinagĕḽaṁgu miriyabum̐dāḽiṁpum̐ -
gūralu kammanigūralunu
sāraṁpum̐bachchaḽḽu savuluga niṭṭe
kūrimidom̐ jegŏnavo svāmī
(||iṁdira||)
piṁḍivaṁṭalunum̐ bĕrugulum̐ bālu
mĕṁḍaina pāśhālu mĕchchi mĕchchi
kŏṁḍalubŏḍavu kori divyānnālu
vĕṁḍiyu mĕchcheve veṁkaḍasvāmī