(॥పల్లవి॥)
ఇందే వున్నది కానమెందో వెదకితిమి
కందర్పగురుభక్తి గంటిమి నే మిదివో
(॥ఇందే॥)
కోటికోటి వేదముల కొన యర్థము
సాటి వేదముల లోని సకలార్థము
సూటిగా గురుఁడు మాకుఁ జూపినర్థము
గాటపు మనసు దవ్వి కనుగొంటి మిదివో
(॥ఇందే॥)
పరమయోగీంద్రులు పట్టీన యర్థము
సురలు మునులు నెంచి చూచి నర్థము
సరి మూఁడులోకములఁ జూటి నర్థము
గరిమ నీదేహమెత్తి కంటిమి మే మిదివో
(॥ఇందే॥)
పలుశరణాగతుల పాలి యర్థము
మలయుచుండేటి తిరుమంత్రార్థము
నిలచి శ్రీవేంకటాద్రి నిండినర్థము
కలసి విజ్ఞానవీధిఁ గనుఁగొంటిమయ్యా
(||pallavi||)
iṁde vunnadi kānamĕṁdo vĕdagidimi
kaṁdarbagurubhakti gaṁṭimi ne midivo
(||iṁde||)
koḍigoḍi vedamula kŏna yardhamu
sāḍi vedamula loni sagalārdhamu
sūḍigā gurum̐ḍu māgum̐ jūbinardhamu
gāḍabu manasu davvi kanugŏṁṭi midivo
(||iṁde||)
paramayogīṁdrulu paṭṭīna yardhamu
suralu munulu nĕṁchi sūsi nardhamu
sari mūm̐ḍulogamulam̐ jūḍi nardhamu
garima nīdehamĕtti kaṁṭimi me midivo
(||iṁde||)
paluśharaṇāgadula pāli yardhamu
malayusuṁḍeḍi tirumaṁtrārdhamu
nilasi śhrīveṁkaḍādri niṁḍinardhamu
kalasi vijñānavīdhim̐ ganum̐gŏṁṭimayyā