(॥పల్లవి॥)
ఇందే కలిగె నీకు నిన్ని భోగాలు
అందముగాఁ జిత్తగించు మౌభళేశ్వరా
(॥ఇందే॥)
భవనాశి యే రనేటి పడఁతి యాలు నీకు
యివల నెదురుగొండ లీపెచన్నులు
జవళి నీపెకౌఁగిలి సరినుండే పెద్దగుహ
యవధరించఁగదయ్య అవుభళేశ్వరా
(॥ఇందే॥)
నీడదిరుగని మేరువు నెలఁత కంబుకంఠము
ఆడనే నిచ్చవానలు ఆపె చెమట
వాడనియట్టి శృంగారవనము యీ జవ్వనము
ఆడుకో నీకుఁ జెల్లె నవుభళేశ్వరా
(॥ఇందే॥)
వున్నతి యిందిరపొందు యోగానందము నీకు
కన్నుల కాపె చిత్తము గద్దెరాయి
తిన్నని మోవి నీకు తేనెల యారగింపు
అన్నిటా శ్రీవేంకటాద్రి యవుభళేశా
(||pallavi||)
iṁde kaligĕ nīgu ninni bhogālu
aṁdamugām̐ jittagiṁchu maubhaḽeśhvarā
(||iṁde||)
bhavanāśhi ye raneḍi paḍam̐ti yālu nīgu
yivala nĕdurugŏṁḍa lībĕsannulu
javaḽi nībĕgaum̐gili sarinuṁḍe pĕddaguha
yavadhariṁcham̐gadayya avubhaḽeśhvarā
(||iṁde||)
nīḍadirugani meruvu nĕlam̐ta kaṁbugaṁṭhamu
āḍane nichchavānalu ābĕ sĕmaḍa
vāḍaniyaṭṭi śhṛṁgāravanamu yī javvanamu
āḍugo nīgum̐ jĕllĕ navubhaḽeśhvarā
(||iṁde||)
vunnadi yiṁdirabŏṁdu yogānaṁdamu nīgu
kannula kābĕ sittamu gaddĕrāyi
tinnani movi nīgu tenĕla yāragiṁpu
anniḍā śhrīveṁkaḍādri yavubhaḽeśhā