(॥పల్లవి॥)
ఇందవయ్య వీడెమిఁక నెరవులేవి
సందులేని కూరిమికి జగడములేవి
(॥ఇంద॥)
చిత్తములేకములైతే సిగ్గులెందు వెదకేది
కొత్తవలపులై తేను కొంకఁ జోటేది
పొత్తుల భోగములైతే పొద్దులు దెలియనేది
అత్తిన సంసారఫలమయి వుండుఁగాక
(॥ఇంద॥)
వాడికెలు గలిగితే వంచన సోదించనేది
వేడుకలు మించితేను వెలువలేవి
ఆడుకోలు మాటలకు నవుగాములు మరియేవి
యీడనే జన్మఫలము లీడేరుఁ గాక
(॥ఇంద॥)
కూటములు గలిగితే గురుతులు వెట్టనేది
వాటపు నవ్వులకున వరుసేది
మేటి శ్రీవేంకటేశుఁడ మించి నన్నుఁ గూడితివి
పాటించి జవ్వన భాగ్యఫలమంటుఁ గాక
(||pallavi||)
iṁdavayya vīḍĕmim̐ka nĕravulevi
saṁduleni kūrimigi jagaḍamulevi
(||iṁda||)
sittamulegamulaide siggulĕṁdu vĕdagedi
kŏttavalabulai tenu kŏṁkam̐ joḍedi
pŏttula bhogamulaide pŏddulu dĕliyanedi
attina saṁsāraphalamayi vuṁḍum̐gāga
(||iṁda||)
vāḍigĕlu galigide vaṁchana sodiṁchanedi
veḍugalu miṁchidenu vĕluvalevi
āḍugolu māḍalagu navugāmulu mariyevi
yīḍane janmaphalamu līḍerum̐ gāga
(||iṁda||)
kūḍamulu galigide gurudulu vĕṭṭanedi
vāḍabu navvulaguna varusedi
meḍi śhrīveṁkaḍeśhum̐ḍa miṁchi nannum̐ gūḍidivi
pāḍiṁchi javvana bhāgyaphalamaṁṭum̐ gāga