(॥పల్లవి॥)
ఇందరు నెఱుఁగుదు రీయర్థమే భువి
కందువఁ దగులుట కర్మము కొలఁది
(॥ఇంద॥)
ఆదికి ననాది హరిదాస్యంబిది
వేదాంతంబుల వెలసినది
సోదించి కనిరి శుకనారదాదులు
పాదుగఁ నిఁకఁ దమ భాగ్యముకొలఁది
(॥ఇంద॥)
అతిరహస్యమిది అచ్యుతుపై భక్తి
ప్రతిలేని పరమపావనము
చతురులై తెలిసిరి సనకాది మునులు
తతి దొరకుట సుకృతఫలము కొలఁది
(॥ఇంద॥)
పరము శ్రీవేంకటపతి సంకీర్తన
సొరిది గురుఁడొసఁగు సూక్ష్మమిది
చిరపుణ్యులు మును చేకొన్న నిజమిది
మరిగి మనుట తమ మనసుల కొలఁది
(||pallavi||)
iṁdaru nĕṟum̐gudu rīyardhame bhuvi
kaṁduvam̐ daguluḍa karmamu kŏlam̐di
(||iṁda||)
ādigi nanādi haridāsyaṁbidi
vedāṁtaṁbula vĕlasinadi
sodiṁchi kaniri śhuganāradādulu
pādugam̐ nim̐kam̐ dama bhāgyamugŏlam̐di
(||iṁda||)
adirahasyamidi achyudubai bhakti
pradileni paramabāvanamu
sadurulai tĕlisiri sanagādi munulu
tadi dŏraguḍa sukṛtaphalamu kŏlam̐di
(||iṁda||)
paramu śhrīveṁkaḍabadi saṁkīrdana
sŏridi gurum̐ḍŏsam̐gu sūkṣhmamidi
sirabuṇyulu munu segŏnna nijamidi
marigi manuḍa tama manasula kŏlam̐di