(॥పల్లవి॥)
ఇందరు నెరిఁగినవే యీ సుద్దులు
యెందు నుండినాను మా యింటికి రావలెను
(॥॥)
యెంత వాఁడవైనాను యెపుడును మాతోను
పంతములాడకురా పలుమారును
కాంతల మోవి తేనెలు కైకొనేటి వేళను
పొంతనుండి యెంగిలికి పొత్తుగూడవలెను
(॥॥)
ఘనుఁడవౌదువు నేఁడు గర్వము మాతో సరి-
పెనఁగకురా నీవు పెచ్చు రేఁగుచు
వనితలైనవారు వడిఁ గాఁగిలించేవేళ
చనుఁగొండలసందీఁగి చనవియ్యవలెను
(॥॥)
మగఁడవైతివి నాకు మక్కువ శ్రీవెంకటేశ
బిగియకురా ఇంత పెనఁగుతాను
మగువలైనవారి మరిగి కూడేవేళ
పొగురుఁబాదములువీఁపున మోవవలెను
(||pallavi||)
iṁdaru nĕrim̐ginave yī suddulu
yĕṁdu nuṁḍinānu mā yiṁṭigi rāvalĕnu
(||||)
yĕṁta vām̐ḍavainānu yĕbuḍunu mādonu
paṁtamulāḍagurā palumārunu
kāṁtala movi tenĕlu kaigŏneḍi veḽanu
pŏṁtanuṁḍi yĕṁgiligi pŏttugūḍavalĕnu
(||||)
ghanum̐ḍavauduvu nem̐ḍu garvamu mādo sari-
pĕnam̐gagurā nīvu pĕchchu rem̐gusu
vanidalainavāru vaḍim̐ gām̐giliṁcheveḽa
sanum̐gŏṁḍalasaṁdīm̐gi sanaviyyavalĕnu
(||||)
magam̐ḍavaidivi nāgu makkuva śhrīvĕṁkaḍeśha
bigiyagurā iṁta pĕnam̐gudānu
maguvalainavāri marigi kūḍeveḽa
pŏgurum̐bādamuluvīm̐puna movavalĕnu