ఇందరు నీకొక్కసరి యెక్కువ తక్కువ లేదు
(॥పల్లవి॥)
ఇందరు నీకొక్కసరి యెక్కువ తక్కువ లేదు
చెంది నీ సుద్దులు యేమి చిత్రమో కాని
(॥ఇంద॥)
నీనామ ముచ్చరించి నెరవేరె నొక్క మౌని
నీ నామము వినక నెరవేరె నొకఁడు
వూని నిన్ను నుతియించి భోగియాయ నొకఁడు
మోనమున నిన్ను దిట్టి మోక్షమందె నొకఁడు
(॥ఇంద॥)
మతిలో నిన్నుదలఁచి మహిమందె నొకయోగి
తతి నిన్ను దలఁచకే తగిలె నిన్నొకఁడు
అతిభక్తిఁ బని సేసి అధికుఁడాయ నొకఁడు
సతతము బనిగొని సఖుఁడాయ నొకఁడు
(॥ఇంద॥)
కాఁగిటి సుఖములిచ్చి కలసిరి గొందరు
ఆఁగి నిన్ను వెంటఁదిప్పి ఆవులు మేలందెను
దాఁగక శ్రీవేంకటేశ దగ్గరైన దవ్వయిన
మాఁగి నిన్ను దలపోసే మనసే గుఱుతు
(||pallavi||)
iṁdaru nīgŏkkasari yĕkkuva takkuva ledu
sĕṁdi nī suddulu yemi sitramo kāni
(||iṁda||)
nīnāma muchchariṁchi nĕraverĕ nŏkka mauni
nī nāmamu vinaga nĕraverĕ nŏgam̐ḍu
vūni ninnu nudiyiṁchi bhogiyāya nŏgam̐ḍu
monamuna ninnu diṭṭi mokṣhamaṁdĕ nŏgam̐ḍu
(||iṁda||)
madilo ninnudalam̐si mahimaṁdĕ nŏgayogi
tadi ninnu dalam̐sage tagilĕ ninnŏgam̐ḍu
adibhaktim̐ bani sesi adhigum̐ḍāya nŏgam̐ḍu
sadatamu banigŏni sakhum̐ḍāya nŏgam̐ḍu
(||iṁda||)
kām̐giḍi sukhamulichchi kalasiri gŏṁdaru
ām̐gi ninnu vĕṁṭam̐dippi āvulu melaṁdĕnu
dām̐gaga śhrīveṁkaḍeśha daggaraina davvayina
mām̐gi ninnu dalabose manase guṟudu