(॥పల్లవి॥)
ఇందరికి నభయంబు లిచ్చుఁ జేయి
కందువగు మంచి బంగారుచేయి
(॥ఇందరికి॥)
వెలలేనివేదములు వెదకితెచ్చిన చేయి
చిలుకుగుబ్బలికిందఁ జేర్చు చేయి
కలికియగు భూకాంతఁ గాఁగిలించిన చేయి
వలనైన కొనగోళ్ళవాఁడి చేయి
(॥ఇందరికి॥)
తనివోక బలిచేత దానమడిగిన చేయి
వొనరంగ భూదానమొసఁగు చేయి
మొనసి జలనిధి యమ్ము మొనకుఁ దెచ్చిన చేయి
యెనయ నాఁగేలు ధరింయిచు చేయి
(॥ఇందరికి॥)
పురసతుల మానములు పొల్లసేసిన చేయి
తురగంబుఁ బరపెడిదొడ్డ చేయి
తిరువేంకటాచలధీశుఁడై మోక్షంబు
తెరువు ప్రాణులకెల్లఁదెలిపెడి చేయి
(||pallavi||)
iṁdarigi nabhayaṁbu lichchum̐ jeyi
kaṁduvagu maṁchi baṁgāruseyi
(||iṁdarigi||)
vĕlalenivedamulu vĕdagidĕchchina seyi
silugugubbaligiṁdam̐ jersu seyi
kaligiyagu bhūgāṁtam̐ gām̐giliṁchina seyi
valanaina kŏnagoḽḽavām̐ḍi seyi
(||iṁdarigi||)
tanivoga baliseda dānamaḍigina seyi
vŏnaraṁga bhūdānamŏsam̐gu seyi
mŏnasi jalanidhi yammu mŏnagum̐ dĕchchina seyi
yĕnaya nām̐gelu dhariṁyisu seyi
(||iṁdarigi||)
purasadula mānamulu pŏllasesina seyi
turagaṁbum̐ barabĕḍidŏḍḍa seyi
tiruveṁkaḍāsaladhīśhum̐ḍai mokṣhaṁbu
tĕruvu prāṇulagĕllam̐dĕlibĕḍi seyi