(॥పల్లవి॥)
ఇందరితో నేకతాలు యెందాఁకాను
మందలించి ఆతనికే మచ్చికలు చూపవే
(॥ఇంద॥)
మోహమే నిజమైతే ముచ్చటలు నిజమే
సాహసము నిజమైతే జయమూ నిజమే
వూహ పోహలు సారె వువిదతో నేలే
కూహకములేల పతికొంగు వట్టి తియ్యవే
(॥ఇంద॥)
నయములు గలితేను ననుపులుఁగలవే
ప్రియములు గలిగితే పిలుపులుఁ గలవే
దయపుట్టఁ జెప్పియంపే తగువిన్నపములేలే
నియతి నాతని నీలోనికిఁ దియ్యరాదా
(॥ఇంద॥)
చనవులు దొరకితే సంతసాలు దొరకును
చెనకులు దొరకితే సిగ్గులు దొరకును
యెనసెను శ్రీవేంకటేశుఁడు నిన్నింతలోనే
చనుమొనలనొత్తి బాసలు గొనరాదా
(||pallavi||)
iṁdarido negadālu yĕṁdām̐kānu
maṁdaliṁchi ādanige machchigalu sūbave
(||iṁda||)
mohame nijamaide muchchaḍalu nijame
sāhasamu nijamaide jayamū nijame
vūha pohalu sārĕ vuvidado nele
kūhagamulela padigŏṁgu vaṭṭi tiyyave
(||iṁda||)
nayamulu galidenu nanubulum̐galave
priyamulu galigide pilubulum̐ galave
dayabuṭṭam̐ jĕppiyaṁpe taguvinnabamulele
niyadi nādani nīlonigim̐ diyyarādā
(||iṁda||)
sanavulu dŏragide saṁtasālu dŏragunu
sĕnagulu dŏragide siggulu dŏragunu
yĕnasĕnu śhrīveṁkaḍeśhum̐ḍu ninniṁtalone
sanumŏnalanŏtti bāsalu gŏnarādā