ఇందరి బుద్ధులు యీశ్వరేచ్ఛకు సరిరావు
(॥పల్లవి॥)
ఇందరి బుద్ధులు యీశ్వరేచ్ఛకు సరిరావు
గొందినున్న మానుషము కొలువ దెంతైనా
(॥ఇంద॥)
తనంతఁ దా నూరకున్న దైవమే తోడౌను
కినిసి తాఁ బదిరితే కిందుమీఁదౌను
తనుఁ దానే చేరె హరి దధివిభాండకునకు
కొనకెక్కఁ బోయి నీవి కొంచపడెఁ దొల్లి
(॥ఇంద॥)
వొక్కటివాఁడు దానైతే వున్నచోనే మేలు చేరు
పెక్కుబుద్ధులఁ బోతేను పిరివీకౌను
పక్కన నంబరీషుఁడు పట్టిన వ్రతాన గెల్చె
దిక్కులెల్లా దుర్వాసు తిరిగి బడలెను
(॥ఇంద॥)
శ్రీవేంకటేశ్వరు చేతిలోవీ జగములు
భావించిఁ యాతడు నడపక మానఁడు
వావిరి నిదెఱఁగక వట్టియలమటఁ బడి
జీవులేల బడలేరు చింత లిట్టె పాయరో
(||pallavi||)
iṁdari buddhulu yīśhvarechchhagu sarirāvu
gŏṁdinunna mānuṣhamu kŏluva dĕṁtainā
(||iṁda||)
tanaṁtam̐ dā nūragunna daivame toḍaunu
kinisi tām̐ badiride kiṁdumīm̐daunu
tanum̐ dāne serĕ hari dadhivibhāṁḍagunagu
kŏnagĕkkam̐ boyi nīvi kŏṁchabaḍĕm̐ dŏlli
(||iṁda||)
vŏkkaḍivām̐ḍu dānaide vunnasone melu seru
pĕkkubuddhulam̐ bodenu pirivīgaunu
pakkana naṁbarīṣhum̐ḍu paṭṭina vradāna gĕlsĕ
dikkulĕllā durvāsu tirigi baḍalĕnu
(||iṁda||)
śhrīveṁkaḍeśhvaru sedilovī jagamulu
bhāviṁchim̐ yādaḍu naḍabaga mānam̐ḍu
vāviri nidĕṟam̐gaga vaṭṭiyalamaḍam̐ baḍi
jīvulela baḍaleru siṁta liṭṭĕ pāyaro