ఇందాఁకా వచ్చెఁ జేఁతలు యిఁకనో బుద్ధి
(॥పల్లవి॥)
ఇందాఁకా వచ్చెఁ జేఁతలు యిఁకనో బుద్ధి
యెందుకు నీవే కర్తవు యిఁకనో బుద్ధి
(॥ఇందాఁ॥)
పుట్టితి నీయాజ్ఞను భుజించితిఁ గర్మమెల్లా
ఇట్టె జీవుఁడ నాకు నిఁకనో బుద్ధి
కట్టుకొంటి సంసారము కలిగెఁ బంచేంద్రియాలు
యెట్టనెదిటి పనుల కిఁకనో బుద్ధి
(॥ఇందాఁ॥)
వున్నాఁడ నీమాయలోనె వొట్టుకొంటి ఆసలెల్లా
యెన్నికె యీప్రాణికి నిఁకనో బుద్ధి
పన్నుకొంటి సంపదలు పంచభూతాల లోనైతి
యిన్నిటా నీపంపుననే యిఁకనో బుద్ధి
(॥ఇందాఁ॥)
భూమిపై నన్నేలితివి భోగములకు గురైతి
యేమనేవు యీదేహి కిఁకనో బుద్ధి
శ్రీమంతుఁడ విన్నిటాను శ్రీవేంకటేశ్వర నీవు
యీమహిమలెల్లా నీవే యిఁకనో బుద్ధి
(||pallavi||)
iṁdām̐kā vachchĕm̐ jem̐talu yim̐kano buddhi
yĕṁdugu nīve kardavu yim̐kano buddhi
(||iṁdām̐||)
puṭṭidi nīyājñanu bhujiṁchidim̐ garmamĕllā
iṭṭĕ jīvum̐ḍa nāgu nim̐kano buddhi
kaṭṭugŏṁṭi saṁsāramu kaligĕm̐ baṁcheṁdriyālu
yĕṭṭanĕdiḍi panula kim̐kano buddhi
(||iṁdām̐||)
vunnām̐ḍa nīmāyalonĕ vŏṭṭugŏṁṭi āsalĕllā
yĕnnigĕ yīprāṇigi nim̐kano buddhi
pannugŏṁṭi saṁpadalu paṁchabhūdāla lonaidi
yinniḍā nībaṁpunane yim̐kano buddhi
(||iṁdām̐||)
bhūmibai nannelidivi bhogamulagu guraidi
yemanevu yīdehi kim̐kano buddhi
śhrīmaṁtum̐ḍa vinniḍānu śhrīveṁkaḍeśhvara nīvu
yīmahimalĕllā nīve yim̐kano buddhi